November 17, 2009

စင်ကာပူနိုင်ငံတွင် ကျင်းပသည့် ၂၁၀၄ ခု ရှမ်းနှစ်သစ်ကူး

၂၀၀၉ ခု နိူဝင်ဘာ ၁၄ ရက်
စင်ကာပူနိုင်ငံ

Kreta Ayer People's Theatre

ဒီနေရာက ကျွန်တော် သိပ်မရင်းနှီးသည့် နေရာ။ မနှစ်က တစ်ခေါက်တော့ ရောက်ဖူးသည်။ ရန်ကုန် စက်မှုတက္ကသိုလ်ကျောင်းသားဟောင်းများ ဦးစီး ကျင်းပသော သင်္ကြန်ပွဲတုန်းက။

မျက်စိမှိတ်သွားလည်း ရောက်သည် ဆိုသည်အထိ် ရင်းနှီးသောနေရာမဟုတ်။

သူငယ်ချင်း မင်းမင်းဦး (သူကလည်း မန္တလေး စက်မှုတက္ကသိုလ်ကျောင်းသားဟောင်းတစ်ဦး) နှင့်အတူ ထွက်လာခဲ့သည်။ China Town ဘူတာတွင်ဆင်းရမည်ကိုသာ ကျွန်တော် မှတ်ထားသည်။ လက်မှတ်တွင်ပါသည့် လမ်းညွှန်လေးအတိုင်း လမ်းလိုက်ရှာသည်။ ၃ လမ်း လောက် နည်းနည်းလျှောက်ပြီး၊ ကိုစိုင်းထွန်းအေးကို တွေ့သည်။ သူက ရှမ်းဘောင်းဘီအရှည်နှင့် သုတ်သုတ် နှင့် ပြဇာတ်ရုံဘက်သွားနေသည်။ ကျွန်တော်တို့ သူငယ်ချင်း ၂ ယောက်လည်း သူ့နောက် အသာလိုက်ခဲ့လိုက်တော့သည်။ သေချာသည်ကိုး... သူ ရှမ်းနှစ်သစ်ကူးပွဲသွားမှာလေ။

October 21, 2009

တို့တောင်ပေါ်ကို ဖိတ်ခေါ်ပါတယ် .................


တောင်ပေါ်လေနံ့ မရတော့သည်မှာလည်းကြာပြီ။ တောင်ပေါ်လေငွေ့ မထိတွေ့ရသည်လည်းကြာပြီ။ တောင်ကြောတစ်လျှောက် ရစ်သိုင်းဖွဲ့တည်နေတတ်သော တိမ်စိုင်တို့ကို တမေ့တမော မကြည့်ရသည်လည်းကြာပြီ။ တောထူထူ တောင်မြင့်မြင့်ကို တွေ့တိုင်း လွမ်းမော တသသော စိတ်ပေါ်သည်မှာ ကျွန်တော်တို့သည် တချိန်ချိန်က တောင်ပေါ်မှာနေ တောင်ပေါ်မှာကြီးသည့် မျောက်ကြီးများမှ များ ဆင်းသက် ခဲ့လေသလား။ ဘာကို လွမ်းမှန်းမသိပဲ လွမ်းလွမ်းတတ်သည်ကတော့ သေချာသည် ............


"နောင် ဗေ ... နောင်.. နောင် ဗေ... နောင်" ကိုလည်း စိတ်ထဲပဲ ရွတ်ရွတ်ပြီး လက်ကလေးတစ်ကြွကြွ နှင့် သံစဉ်မှာ မြောပြီး စိတ်ခေါ်ရာ တစ်ခါ တစ်ခါ လိုက်သွားမိသည်လည်းရှိသည်။ တနယ် တမြေမှာ သျှမ်းအိုး စည်သံကို ကြားရဦးမည်။


စင်ကာပူ နိုင်ငံမှာ ၂၀၀၉ ခုနှစ် နိုဝင်ဘာ ၁၄ ရက် နေ့၊ သျှမ်းလူငယ်များ မိမိတို့၏ ကာယအား၊ ဉာဏအားဖြင့် အမိမြေကို တစ်ဖက် တစ်လမ်းမှ အလုပ်အကျွေးပြုမည့်ပွဲ။

October 17, 2009

၂၁၀၄ သျှမ်းနှစ်သစ်ကူးပွဲတော်




ကျွန်တော်နှင့် တောတွင်းကာလများ (၈)

ကျွန်တော်တို့မြို့လေး၏ တောင်ဘက်တွင် ပေ ၅၀ ခန့်ကျယ်သော ဗန်းမောက်ချောင်က အနောက်မှ အရှေ့သို့ စီးဆင်းနေပါသည်။ နွေရာသီတွင် ရေအလွန်နည်းပြီး မိုးရာသီ မိုးရွာပြီးချိန်တွင် ရေအတော်ကြီးသည်။ ရေစီးကြမ်းသည်။ တောင်ကျချောင်းလိုဖြစ်နေသည်။ တောင်ကျ ရေနီများက အလိပ်လိုက် အလိပ်လိုက် ချောင်းငယ်ထဲ စီးနေသည်။ ချောင်းရေပြင်ကလည်း ကျယ်လာသည်။ ပေ ၂၀၀ လောက်ဖြစ်လာသည်။ မိုးရွာပြီး ရေတက်စဆိုလျှင် လှိုင်လုံးများကလည်း အလိပ်လိုက် ထလာသည်။ အသံများက တ၀ုန်းဝုန်း။ ရင်ခုန်စရာကောင်းသည်။ ငယ်ငယ်က ထိုလှိုင်းလုံးများကို လိုက်စီးရသည်မှာ ပျော်စရာ။ ချောင်းကြမ်းခင်း တစ်ချို့နေရာများတွင် ကျောက်ဖျာများပေါ်နေသည့် အတွက် လှိုင်းစီးရင်း ကျောနင့်ပွတ်မိ၊ ပေါင်နှင့်ပွတ်မိ ဖြစ်သည်။ ပူခနဲ့။ ထူခနဲ့။ နောက်မှ အရေပြားပွန်းနေတာကို စစ်ကြည့်ရသည်။ နာတာမနာတာ သိပ်သတိမထားမိ။ လှိုင်းစီးကောင်းသည် ကိုသာ သတိထားမိသည်။ ရေကူးတတ်စ ဖြစ်သောကြောင့် တစ်ခါတစ်ခါ ပါးစပ်ထဲ ရေအလုံးလိုက် ၀င်ပြီး မွန်းသွားသည်လည်းရှိသည်။ ရေ၀ဲများအောင် အသက်ရှူမွန်းကြပ်လောက်အောက် ပါသွားသည်လည်းရှိသည်။ ရေချိုးပြီးကြပြီဆိုလျှင် မျက်လုံးများလည်း ရဲရဲနီလျက်။ ကလေးဘ၀၊ တောနေကလေးဘ၀၊ ရုပ်ဝတ္ထုပစ္စည်းများမလို။ ရှိရာပတ်ဝန်းကျင်တွင် ပျော်စရာဖန်တီးပြီး သည်လိုပဲကြီးခဲ့ကြသည်။

September 8, 2009

ဗုဒ္ဓဘာသာဝင်တို့ သိသင့်သောအမေးအဖြေများ

(၉) ဘာ့ကြောင့် ဗုဒ္ဓဘာသာဝင်တွေ ဘုရားပရ၀ုဏ်အတွင်းမှာ ထူးဆန်းတဲ့အရာတွေ လုပ်နေကြတာလဲ?

နားလည်း သဘောပေါက်မှုလွှဲမှားခြင်းမှ စတင်သည်ဟု ဆိုရပါမည်။ လူတို့သည် မိမိတို့ နားလည်သဘောမပေါက်နိုင်သောအရာများအား ထူးဆန်းသည်ဟု ထင်မြင်မှတ်ယူကြသည်။ ဤကဲ့သို့သော ထင်မြင်နေမှုကို သည်အတိုင်းထားလိုက်ခြင်းထက် ထိုအရာတို့၏ အနက်အဓိပ္ပာယ်ကို ရှာဖွေစူးစမ်းသင့်ပေသည်။ ဗုဒ္ဓသင်ကြားဆုံးမခဲ့သည်များကို နားလည်မှုလွှဲမှားခြင်း၊ အယူသည်းလွန်းခြင်းတို့မှ အစပြုကာ ဗုဒ္ဓဘာသာဝင်တို့ ကိုယ်တိုင်ပင် ထိုကဲ့သို့သော ထူဆန်းမှုများကို လုပ်လာခဲ့ကြပေသည်။ ထို့ကြောင့် ဗုဒ္ဓ၏ သွန်သင်ဆုံးမမှုအမှန်နောက် မလိုက်ဘဲ လမ်းလွှဲလာကြသည်များရှိပေမည်။ ထိုကဲ့သို့သော နားလည်မှုလွှဲမှားခြင်းကို ဗုဒ္ဓဘာသာ၌သာ တွေ့ရသည် မဟုတ်။ ဘာသာတိုင်း၌ပင် အချိန်ကြာလ ကြာလာသည်နှင့်အမျှ တဖြည်းဖြည်း အယူအဆများ နားလည်မှုများ လွှဲမှားလာခဲ့ကြသည်ကို တွေ့ရပေသည်။ သွန်သင်ဆုံးမခဲ့မှုများအား လုံးဝဥဿုံ နားလည်းသဘောပေါက်ခြင်း မရှိနိုင်သူတို့ကိုလည်း အပြစ်တင်နေ၍ မဖြစ်ပေ။ ရင့်ကျက်ချိန်တန်မှ ရင့်ကျက်သည်မှာ သဘာဝဖြစ်သည်။ ဗုဒ္ဓ၏ သင်ကြားပို့ချမှုများတွင် တိကျသော၊ ရှင်းလင်းသော၊ အသေးစိတ်နိုင်သော သွန်သင်ပြောပြမှုများ ပါဝင်ကြောင်းကို အသေအချာ လေ့လာလိုက်စားသူတိုင်း သိကြသည်။

"လူတစ်ဦးသည် ရောဂါဝေဒနာ ခံစားနေရချိန်၌ သမားတော်ရှိပါလျက် ဆေးကုသရန် အားထုတ်မှု မပြုဘဲသေဆုံးခဲ့သည်ရှိသော် ဤသည်မှာ သမားတော်၏ ညံ့ဖျင်းမှု မဟုတ်။ ထိုနည်းတူစွာပင် လောဘ၊ ဒေါသ၊ မောဟ တို့၏ ဖိစီးနှိပ်စက်မှုကို ခံနေရသော သတ္တ၀ါတို့သည်လည်း ဗုဒ္ဓ၏ သင်ကြားဆုံးမမှုများရှိပါလျက် မနာယူ မကျင့်ကြံခြင်း၍ နိဗ္ဗာန်သို့ မရောက်နိုင်ခြင်းမှာ ဗုဒ္ဓ၏ ညံ့ဖျင်းမှု မဟုတ်ပေ။"

ဗုဒ္ဓဘာသာဝင်များသာ မဟုတ်ပေ အခြားဘာသာဝင်များသည်လည်း ဆိုင်ရာအကိုးကွယ်ခံ ပုဂ္ဂိုလ်တို့၏ သွန်သင် ဆုံးမမှုများကို ပြည့်ဝစွာ နားလည် သဘောပေါက်အောင် အလေ့အကျင့်လုပ်သူ အားထုတ်သူ နည်းပေသည်။ ဗုဒ္ဓ၏ သင်ကြားပြသမှု အစစ်အမှန်များကို နားလည် သဘောပေါက်လိုပါက ဗုဒ္ဓ၏ ဟောကြားချက်များကို ဖတ်ပါ၊ တိတိပပ နားလည်သူတို့ထံ ချဉ်းကပ်မေးမြန်း ဆွေးနွေးပါ၊ ကျင့်ကြံ အားထုတ်ကြည့်ပါ ဟု တိုက်တွန်းလိုပါသည်။
ဗုဒ္ဓသည် သင့်အား နိဗ္ဗာန်သို့ ရောက်စေဟု တန်ခိုးတော်ဖြင့် ဖန်တီးပေးမည့် တန်ခိုးရှင်မဟုတ်။ သိစရာဟူသမျှကို သင်ကြားပြသသူမရှိဘဲ ကိုယ်တိုင် ကျင့်ကြံပြီး သိခဲ့သူဖြစ်သည်။ သူသိသည့် အမှန်တရားများကို သတ္တ၀ါများ ချမ်းသာမှုရစေရန်ရည်ရွယ်၍ သွန်သင်ဆုံးမ ပြောပြခဲ့သူသာဖြစ်သည်။

August 29, 2009

ဗုဒ္ဓဘာသာဝင်တို့ သိသင့်သောအမေးအဖြေများ

(၈) ရုပ်တုကို ကိုးကွယ်နေကြတာလား?

ဤကဲ့သို့သော စွပ်စွဲမှုပေါ်ပေါက်လာခြင်းမှာ စွပ်စွဲသူတို့၏ နားလည်မှု လွှဲမှားခြင်းကြောင့် ဖြစ်သည်။ ဆင်းတုတော်ကို နတ်ရုပ်တုများကဲ့သို့ အရိုအသေပေးစရာရုပ်တု အဖြစ် အမှတ်မှား၊ အမြင်မှားဖြစ်နေကြသည်။ ဗုဒ္ဓဘာသာဝင်တို့သည် ဗုဒ္ဓကို နတ်ဘုရား အဖြစ် ယုံကြည်ကိုးကွယ်ကြခြင်း မဟုတ်ပါ။ သတ္ထု၊ သစ်သား၊ ကျောက်တုံး တို့ကို ကိုးကွယ်နေခြင်း မဟုတ်ပါ။ ဘာသာတိုင်းတွင် မိမိတို့ယုံကြည်ရာ ဘာသာရေး၏ အမှတ်လက္ခဏာရှိကြစမြဲ ဖြစ်သည်။ တာအိုဘာသာဝင်များ (Taoism) သည် ယင်နှင့်ယန် ကားချပ် (Ying-Yang Diagram) ကို ဆန်ကျင်ဖက် ၂ ခုကြားရှိ မျှတနေမှုသဘောအဖြစ် မှတ်ယူကြသည်။ ဆခ်ဘာသာဝင် (Sikhism) များသည် ဓားမြှောင်ကို ရုန်းကန်လှုပ်ရှားခြင်း ဟု မှတ်ယူထားကြသည်။ ခရစ်ယာန်ဘာသာဝင် (Christian) များကမူ ငါး (Fish) ပုံကို ခရစ်တော်၏ သင်္ကေတအဖြစ် မှတ်ယူကြသည်။ လက်ဝါးကားတိုင်း (Cross) ကို စွန့်လွှတ်အနစ်နာခံခြင်း၏ သင်္ကေတ အဖြစ် မှတ်ယူထားကြသည်။ ဗုဒ္ဓဘာသာဝင်များတွင်မူ ဗုဒ္ဓ၏ ဆင်းတုတော်များသည် ဗုဒ္ဓ၏ သွန်သင်ဆုံးမမှုများကို အမှတ်ရနေရန် ကိုယ်စားပြုကြသည်။ အမှတ်လက္ခဏာရှိနေခြင်းက၊ ရှိခြဲ့ခင်းကို သက်သေအဖြစ် တည်စေမှန်း လူတိုင်း အသိပင်ဖြစ်သည်။ အမှန်စင်စစ်တွင် ဗုဒ္ဓဘာသာသည် နတ်ဘုရားကို ဗဟိုပြုသည့်ဝါဒ မဟုတ်ဘဲ၊ လူဗဟိုပြုအယူဝါဒ ဖြစ်သည်။ အရာရာပြီးပြည့်စုံခြင်း၊ သဘောပေါက်နားလည်ခြင်းကို ရရှိရန် မိမိကိုယ်တိုင်၌သာ ရှာရမည်ဖြစ်ကြောင်း၊ ပြင်ပ၌ ရှာဖွေ မတွေ့ရှိနိုင်ကြောင်း သင်ကြားဆုံးမသည်။ ထို့ကြောင့် ဗုဒ္ဓဘာသာဝင်တို့ ဆင်းတုတော်၊ စေတီပုထိုး စသည်တို့ကို ကိုးကွယ်ကြခြင်းကို အပြစ်တင်ပြောဆိုနေမည်ဆိုပါက၊ ယင်-ယန်သင်္ကေတကို ကိုးကွယ်ခြင်း၊ ဓားမြှောင်ကို ကိုးကွယ်ခြင်း၊ ငါးရုပ်သင်္ကေတနှင့် ကားစင်တိုင် တို့ကို ကိုးကွယ်ခြင်းတို့ကိုလည်း အဆင်အခြင်မရှိ ဦးနှောက်မဲ့ ကိုးကွယ်နေကြခြင်းဟု ပြောသလို ရှိပေတော့မည်။

August 16, 2009

ဆွေးနွေးခန်း (၂)

ဒီနေ့တော့ အခန်းထဲရှိတဲ့ ပန်ကာနဲ့ ထိုင်စကားပြောဖြစ်တယ်။ သူက အဖြူရောင် မတ်တပ်ပန်ကာတစ်ခု။ ပန်ကာရွက် ၅ ခုပါတယ်။ သုံးစွဲသူ အထိအခိုက်မရှိအောင် ဇကာနဲ့ ကာထားတယ်။


ဒီပန်ကာလေးက စုတ်နေပါပြီ။ အိမ်ရှင်ပေးထားတဲ့ပန်ကာ။ စဖွင့်ဖွင့်ချင်း လည်တာမဟုတ်ဘူး။ ဂျစ်ဂျစ် ...... ဂျစ်ဂျစ် ...... နဲ့ ထစ်နေတာ။ တစ်ပတ်ချင်း တစ်ပတ်ချင်း တဖြည်းဖြည်းလည်ပြီး နောက်မှ ပုံမှန် Speed ကိုရောက်တာ။ ညည အိုက်လို့များ ဖွင့်ချင်ရင် အိပ်နေတဲ့ သူငယ်ချင်းရှိရင် အားနာရတယ်။ ညဆို အသံက ကျယ်တော့ နှိုးကုန်တာပေါ့။
တံဆိပ်က Aerogaz ဂျပန်စာလုံးတွေ မြင်နေရတော့ ဂျပန်နိုင်ငံလုပ်လိုပဲ ယူဆပါတယ်။ ဂျပန်စာလုံးတွေမြင်မှ ဂျပန်က ကျွန်တော်လေးစားတဲ့ ပုဂ္ဂိုလ် နှစ်ဦးကို သွားသတိရတယ်။ အဲ ကုမ္ပဏီ ၂ ခုဆို ပိုမှန်မယ်။ TOYOTA နဲ့ HONDA ။ တကယ်လေးစားစရာကောင်းတဲ့ ဂျပန်လူမျိုးတွေ။ ကမ္ဘာကို ယှဉ်ပြိုင်နိုင်သည် အထိ နည်းပညာအရရော စီးပွားရေး အရပါ ဂျပန်နိုင်ငံကို တိုးမြှင့်စေခဲ့သူတွေ။

စတစ်ကာမှာ 16" STAND FAN လို့တွေ့တယ်။ အ၀န်း ၁၆ လက်မရှိတဲ့ မတ်တပ်ပန်ကာပေါ့။ ရီမုဒ်ကွန်ထရိုးပါတယ်ဆိုပါလား။ ကျွန်တော်ဖြင့် ဒီလောက် စုတ်နေတဲ့ပန်ကာ တစ်ခါမှတောင် သတိထားမကြည့်မိခဲ့ဘူး။ ခုစာရေးမှ သွားဖတ်ကြည့်မိတာ။ ဓာတ်ပုံလည်း ခုတင်ရိုက်လိုက်တာလေ။ မော်ဒယ်နံပါတ်ပါတယ်။ ၂၃၀ ဗို့၊ ၅၀ ဟဇ်၊ ၆၀ ၀ပ်။ ဒါက ဒီပန်ကာလေးလိုအပ်တဲ့ Power Supply ပေါ့။ AC ပါဝါဆပ်ပလိုင်းအတွက်ဆို ပါဝါအီကွေးရှင်းက ...
P = VI cos θ
P ဆိုတာက Power (W)
V ဆိုတာက Voltage (V)
I ဆိုတာက electric current (A)
θ ဆိုတာက the phase angle between the voltage and the current (°)
cosθ ဆိုတာက Power Factor
သူ့တံဆိပ်က ဒီပုံပေါ့

စင်ကာပူရောက်တော့ဗျာ မမြင်ဘူးတဲ့၊ မရင်းနှီးတဲ့ လျှပ်စစ်ပစ္စည်းတွေ အများကြီးတွေ့သဗျာ။ VFD ဆိုတာတွေ၊
Capacitor Bank ဆိုတာတွေ၊ Switchgear ဆိုတာတွေ၊ ကျွန်တော်က Breaker တောင် ကောင်းကောင်း မြင်ခဲ့ဘူးတဲ့ကောင် မဟုတ်ဘူး။ Timer ဆိုတာ ဟိုတစ်နေ့က ရုံးမှာ worker တစ်ယောက်က လာလုပ်ခိုင်းလို့ လုပ်ပေးလိုက်ရသေးတယ်။ ဘယ်တုန်းကမှ မမြင်ဘူးတဲ့ Timer။ ခဏနေဦး ဆိုပြီး Website ထဲ ရှာဖတ်ပြီး လုပ်ပေးလိုက်တယ် အိုကေသွားတယ်။ ဘယ်ရမလဲ တောသားပဲဥစ္စာ။
VFD ဆိုတာတွေ၊ Switchgear ဆိုတာတွေ မြန်မာလူငယ်တွေ နည်းနည်း နားယဉ်ဖို့တော့ ပြောပြမှ ဖြစ်မယ်ထင်တယ်။ နောင်တစ်ချိန် ကျွန်တော်တို့ နိုင်ငံမှာလည်း မဖြစ်မနေ သုံးကြရမှာဗျ။ Timer တွေ၊ Fire Alarm System တွေ၊ PLC ကွန်ထရိုးတွေ၊ SCADA အကြောင်းတွေ၊ Vibration Monitoring System အကြောင်းတွေ၊ အရည် အငွေ့တွေကိုရဲ့ Flow တိုင်းတဲ့ Instrument တွေ အကြောင်း၊ Level တိုင်းတဲ့ Instrument တွေ အကြောင်း၊ ပြောရရင်တော့ အများကြီးပဲ။
အားလုံးကြီး ရှင်းမပြနိုင်တောင် ဗဟုသုတအဖြစ်တော့ ပြောပြသင့်တယ် ထင်ပါတယ်။ အဲဗျ ... ပန်ကာလေးနဲ့တောင် စကားပြောဖို့မေ့နေတယ်။
ဒီပန်ကာလေးက စကားမပြောတတ်ပါဘူး။ ကျွန်တော်လိုအပ်လို့ ခလုတ်နှိပ်လိုက်ရင် လည်လာပြီး လေမှုတ်ပေးတာပါပဲ။ ပန်ကာလေးအကြောင်းပြောနေရင်း .... ငယ်ငယ်က ၀ါးယပ်တောင်လေးတွေ သတိရသဗျာ။ ကျွန်တော့် အဖိုးယက်တတ်တာပေါ့။ သြော် အဖိုးဆုံးတာတောင် ၂ နှစ်ပြည့်တော့မှာပဲ။
တချိန်က ဒီကမ္ဘာပေါ်မှာ ရ၈ နှစ်ကျော်ကြာကြာ အသက်ရှင်နေထိုင်ခဲ့တာ ကျွန်တော့် အဖိုးပေါ့။ ဦးအိုက်ရွှေလို့ခေါ်တယ်။ လယ်လုပ်တယ်။ စာမတတ်ဘူး။ အဖိုးရဲ့ လယ်က အကျယ်ကြီးပဲ။ ငယ်ငယ်က အဖိုးလယ်ကို သွား၊ မြေပဲတွေကောက်လိုက်၊ မာလကာသီးတွေ စားလိုက်နဲ့။ ခုပြန်ပြီး လယ်တောရောက်ရင်တောင် အဖိုးကို တွေ့တော့မှာ မဟုတ်ဘူး။ ကျွန်တော် မွေးရပ်မြေကို ရောက်ခဲ့စဉ်က အဖိုးကို လိမ္မော်သီး ခွံကျွေးခဲ့တယ်။ အဲတာ နောက်ဆုံး ကျွေးခဲ့ရတာပဲ။ အဖိုးက လမ်းတောင် မလျှောက်နိုင်တော့ဘူးလေ။ တစ်ချိန်က လယ်တွေတည်ခဲ့၊ ပျိုးတွေကြဲ၊ စပါးတွေစိုက် သြော် ... အဖိုးတောင် ... သူ့မြေးလေး ဒီစာတွေ ရေးနေတယ်ဆိုတာ သိပါစ ....

August 9, 2009

ဆွေးနွေးခန်း (၁)


လူတွေနဲ့ မဆွေးနွေးပဲ အရာဝတ္ထုတွေနဲ့ ဆွေးနွေးပွဲ လုပ်ကြည့်ဖို့စိတ်ကူးရတယ်။ နီးနီးနားနား အခန်းထဲရှိတဲ့ အရာဝတ္ထုတွေနဲ့ ဆွေးနွေးကြည့်ဖို့ စိတ်ကူးတယ်။ ဆွေးနွေးတယ်ဆိုတာ အပြန်အလှန်ဆက်သွယ်ကြဖို့လိုတယ်။ သူတော့က ဘာမှ ပြောမှာ မဟုတ်တော့ ကျွန်တော်ကပဲပြောပြီး ကျွန်တော်ကပဲ သူတို့ကိုယ်စား ပြန်စဉ်းစားဖြေရမှာဖြစ်တယ်။ အမှန်တော့ သူတို့နေရာ ခဏ၀င်ပြီး ကိုယ်မေးတာ ကိုယ်ဖြေခြင်းပါပဲ။ ကျွန်တော်မသိနားမလည်းသေတာတွေလည်း သူတို့ပြောပြမယ်။ သူတို့မှာ ရှိနေတာတွေကို ကျွန်တော်သိလာဖို့ အကြောင်းတွေလည်း ဖြစ်ကောင်းဖြစ်မယ်။ စိတ်ဆိုတာ တစ်ခုတော့ လုပ်နေတတ်တဲ့ အတွက် ကျွန်တော်လည်း တစ်ခုတော့ လုပ်ကြည့်မယ်။


စကြည့်မိပြီး စကားပြောမိတာက ကျွန်တော့ အမြင်အာရုံကို ဖြစ်စေတဲ့ မီးချောင်းဖြစ်တယ်။

(၁)မီးချောင်းကအလင်းရယ်၊

(၂) မြင်စရာအရာဝတ္ထုရယ်၊

(၃) အလင်းကို အာရုံခံနိုင်တဲ့ ကျွန်တော့်မျက်စိရယ်၊

(၄) ကျွန်တော့်စိတ်ရယ် ပေါင်းမှ

မြင်တာဖြစ်တယ်လို့ဆိုတယ်။

ဒီမီးချောင်းလေးသာ အလင်းထွက်မနေရင် ကျွန်တော်မမြင်ဘူးပေါ့။

July 5, 2009

စင်ကာပူရောက် မြန်မာလူငယ်များအတွက် ကိုအေးငြိမ်း၏ "အနာဂါတ် တစ်ခုကို ဖန်တီးတည်ဆောက်ခြင်း"

ကိုအေးငြိမ်း၏ စေတနာနှင့် အားထုတ်မှုကို ချီးကျုးဂုဏ်ပြုသောအားဖြင့်လည်းကောင်း၊ မြန်မာလူငယ်များ အလွယ်တကူ ဖတ်မိနိုင်စေရန် အတွက်လည်းကောင်း ကိုအေးငြိမ်း အားထုတ်ပြုစု တင်ပြထားသည့် "အနာဂါတ် တစ်ခုကို ဖန်တီးတည်ဆောက်ခြင်း" ကို ဖော်ပြအပ်ပါသည်။
လိပ်စာမသိရှိသည့် အတွက် ခွင့်တောင်းခြင်း မပြုနိုင်သည်ကို နားလည်ပေးပါရန် ...

လေးစားခင်မင်မှုဖြင့်
စိုင်းခမ်းထွန်း

9470063 Build Your Future
သူငယ်ချင်း ဇော်ဇော်ထွန်း ပို့လိုက်သော Email ကို မျှဝေပါသည်။
မူရင်းဖိုင် ဒေါင်းလုတ်ရယူရန်
Get it from CNET Download.com!

July 2, 2009

H1N1 အကြောင်း တစေ့တစောင်း




တုပ်ကွေးရောဂါဖြစ်စေသော ဗိုင်းရပ်တစ်ကောင်ကို အဏုကြည့် မှန်ဘီးလူဖြင့် ကြည့်မည်ဆိုပါက ပုံတွင် ပြထားသည့် အတိုင်း စက်လုံးပုံသဏ္ဍာန်ရှိပြီး မျက်နှာပြင်တွင် ဆူးများ၊ မှိုပွင့်သဏ္ဍာန် အရာများဖြင့် ပြည့်နေသော ဗိုင်းရပ်ပိုး တစ်မျိုးကို တွေ့ရမည် ဖြစ်သည်။



ယခု နာမည်ကြီး ၀က်တုပ်ကွေး (Swine Flu) ဟု နာမည်ကြီးခဲ့သည့် H1N1 တုပ်ကွေး အကြောင်း တင်ပြလိုပါသည်။ ကမ္ဘာ့ကျန်းမာရေး အဖွဲ့ကြီးကလည်း ဂရုတစိုက် အားထုတ်နေသည်။ အောင်မြင်နေပြီတော့ မဟုတ်ပေ။ ကျွန်ုပ်တို့ ဂရုတစိုက် သတိထားစောင့်ကြည့်ဖို့တော့ လိုပေသည်။


အမေရိကန်နိုင်ငံမှ စတင် သတိပြုသိရှိလိုက်သော ထိုတုပ်ကွေးရောဂါသည် ယခု ကမ္ဘာအနှံပျံ့နှံ့နေခဲ့ပြီဖြစ်သည်။ ကာကွယ်ဆေး တွေ့ပြီ ဟုတော့ ဆိုပါသည်။ ၀က်တုပ်ကွေးရောဂါမှ ကျွန်ုပ်တို့ လွတ်ကင်းသွားတော့မည်လား၊ H1N1 ဗိုင်းရပ် အန္တရာယ်မှ လွတ်မြောက် သွားတော့မည်လား။ ဘာတွေများ ဖြစ်လာလေမလဲ။ ၁၉၁၈ ခုနှစ်တွင် စပိန်တုပ်ကွေး (Spansih Flu) ကူးစက်ပျံ့နှံ့ခဲ့ဖူးသည်။ အမေရိကန်နိုင်ငံတွင် လူ ၂၁ သန်း သေဆုံးခဲ့သည်။ ယခုခေတ်တွင်တော့ မဖြစ်နိုင်တော့ပါ။ အကြောင်းအများကြီးထဲမှ အင်အားအကြီးဆုံးတစ်ခုမှာ သတင်းနှင့် နည်းပညာများ လျင်မြန်စွာ စီးဆင်းဖလှယ် နေကြသောကြောင့်ပင်ဖြစ်သည်။



H1N1 ဆိုသည်မှာ Hemagglutinin type (H1) နှင့် Neuraminidase type (N1) ကိုရည်ညွှန်းခြင်းဖြစ်သည်။ H အမျိုးအစား ၁၄ မျိုး နှင့် N အမျိုးအစား ၉ မျိုးရှိသည်။ တုပ်ကွေးဗိုင်းရပ်သည် ထို H နှင့် N သို့ ပုံစံမျိုးစုံဖြင့် ပေါင်းစပ် ကြရာမှ ဖြစ်ပေါ်လာခြင်းဖြစ်သည်။ H နှင့် N တို့သည် ဗိုင်းရပ်ပိုး၏ အပြင်ဖက် အကာတွင် ရှိကြသော မော်လီကျူးများ ဖြစ်ကြပြီး ပဋိပစ္စည်းများ (Antibodies) များဖြင့် ထောက်လှမ်း သိရှိနိုင်သည်။ ဗိုင်းရပ်ကို မျိုးရိုးဗီဇ စစ်ဆေးဖြင်းအားဖြင့် တုပ်ကွေး ဗိုင်းရပ် အမျိုးအစားကို ဆုံးဖြတ်သိရှိနိုင်သည်။ တုပ်ကွေးဗိုင်ရပ် ပေါင်းစပ်ဖြစ်ပေါ်ခြင်း များစွာရှိသည်။ အချို့က ငှက်တွင်၊ အချို့က ၀က်တွင်၊ အချို့က လူတွင် စသဖြင့် ပေါင်းစပ်ဖြစ်ပေါ်ကြသည်။ တုပ်ကွေးပိုး ဖြစ်ပေါ်မှုသည် အလွန်လျှင်မြန်ပြီး၊ လွယ်ကူစွာ ပြန့်ပွားနိုင်ကြသည်။ ထို့ကြောင့် မကြာခဏဆိုသလို ၀က်များ၊ ငှက်များ၊ လူများ တုပ်ကွေး မိကြခြင်းဖြစ်သည်။ ထို မတူညီသော ဗီဇတို့မှ လည်း ထပ်မံပေါင်းစပ်ကာ တုပ်ကွေးဗိုင်းရပ် အသစ်များ ထွက်ပေါ်လာနိုင်သည်။ ထို့ကြောင့် နှစ်စဉ် တုပ်ကွေး ကာကွယ်ဆေးများ တီထွင် ထုတ်လုပ် သုံးစွဲနေရခြင်း ဖြစ်ပေသည်။




တုပ်ကွေးဗိုင်းရပ်သည် ရာသီတိုင်းတွင် ဗီဇပြောင်းလဲပြီး တုပ်ကွေးဗိုင်းရပ် အသစ် ဖြစ်ပေါ်လာနိုင်သည်။ ထိုကြောင့် လူတို့သည် သိပ္ပံပညာဖြင့် လက်ဦးမှုရယူထားရန် လိုအပ်ပေသည်။


ဤတုပ်ကွေးရာသီသည်လည်း မုန်တိုင်းဝင်သည့် ရာသီလိုပင် ကျော်ဖြတ်လွန်မြောက်သွားမည်ဖြစ်သည်။ သို့သော် နောက် တစ်နှစ်တွင်းလည်း ကျွန်ုပ်တို့ ထပ်ကြုံရဦးမည် ဖြစ်သည့်အတွက် ကြိုတင် သတိထား ပြင်ဆင် ထားရန် လိုအပ်ပေသည်။


H1N1 ကဲ့သို့ ကမ္ဘာအနှံ့ဖြစ်ပွားသောရောဂါကို သတိထားစောင့်ကြည့်ရန်လိုသည်။ ဤကမ္ဘာမြေကြီးတွင် နှစ်ပေါင်းများစွာ ပျော်ပျော်ရွှင်ရွှင်နေလိုသေးပါက တုပ်ကွေးကိုလည်း အမြဲ သတိထားစောင့်ကြည့်နေရမည် ဖြစ်သည်။ ကျန်းမာရေးသည် အရေးကြီးသည် မဟုတ်ပါလော။



ကမ္ဘာ့ဈေးအကြီးဆုံး ဂီတာ လက်ခတ်



ဥက္ကာခဲမှ ရရှိသည့် သတ္ထုဖြင့် ပြုလုပ်ထားသည့် ပုံပါ ဂီတာလက်ခတ်မှာ ကမ္ဘာဈေးအကြီးဆုံး ဂစ်တာလက်ခတ် ဖြစ်သည်။ အဖိုးတန် သတ္ထုများဖြင့် ဈေးကြီးသော ဂစ်တာလက်ခတ်များကို ထုတ်လုပ်သည့် စတားပစ် (Starpics) အမည်ရှိ သြစကြေးလျ ကုမ္ပဏီတစ်ခုက ထုတ်လုပ်ခဲ့ခြင်းဖြစ်သည်။ တန်ဖိုးမှာ $4,674 ဖြစ်သည်။ ၁၈၃၆ ခုနှစ်က နမီဘီယာ (Namibia) နယ်အတွင်းသို့ ကျရောက်ခဲ့သော ဂျီဘီအွန် (Gibeon) ဥက္ကာခဲမှ ရရှိသော သတ္တုစဖြင့် ပြုလုပ်ခဲ့ခြင်းဖြစ်သည်။ ထိုဥက္ကာခဲကို သမိုင်းဝင်ကျောက်ပစ္စည်းအဖြစ် ပြတိုက်တွင် ပြသထားသည်ဟု ဆိုသည်။



ဂျီဘီအွန် (Gibeon) ဥက္ကာခဲ

June 18, 2009

ဗုဒ္ဓဘာသာဝင်တို့ သိသင့်သောအမေးအဖြေများ

(၇) ဗုဒ္ဓကို အဘယ်ကြောင့် အရိုအသေပေးဝတ်ပြုကြတာလဲ?


အရိုအသေပေးဝတ်ပြုရာတွင် ပုံစံအမျိုးမျိုး၊ အကြောင်းအမျိုးမျိုးရှိသည်။ လူအများ နတ်ဘုရားတိ်ု့အား အရိုအသေပေးဝတ်ပြုသောအခါ ထိုနတ်ဘုရားကို ချီးမွမ်းကြသည်။ ပေးကမ်းလှူဒါန်းကြသည်။ ပြီးလျှင် မိမိ လိုချင်သော အခွင့်အရေးများ တောင်းကြသည်။ နတ်ဘုရားများက သူတို့ ချီးမွမ်းသံကို ကြားမည်၊ သူတို့ပေးတာကို လက်ခံရရှိမည် သူတို့တောင်းသည့် အခွင့်အရေးများကို ဖြည့်ဆည်းပေးလိမ့်မည်ဟု ယုံကြည်ကြသည်။ ဗုဒ္ဓဘာသာဝင် အစစ်အမှန်တို့တွင် ထိုကဲ့သို့သော ၀တ်ပြုဆုတောင်းမှုမျိုးမရှိ။ ၀တ်ပြုမှုနောက်တစ်မျိုးမှာ မိမိလေးစားသူတစ်ဦးကို တွေ့ရမြင်ရသောအခါ အရိုအသေ ပေးမှုမျိုးဖြစ်သည်။ ဆရာတစ်ဦး စာသင်ခန်းထဲဝင်လာသောအခါ ကျောင်းသားများ မတ်တပ်ရပ် အရိုအသေပေးကြသည်။ ဉာဏ်ပညာအရာ၊ ကိုယ်ကျင့်တရား တို့တွင် မိမိထက် ကြီးမြတ်သူလာသောအခါ အရိုအသေပေးကြသည်။ ရိုသေမှု၊ ကြည်ညိုမှု၊ လေးစားမှု တို့အတွက် အရိုအသေပေးကြသည့် ဟန်ပန်အမျိုးမျိုးရှိသည်။ ဗုဒ္ဓကို အရိုအသေပေးဝတ်ပြုကြခြင်းမှာ ဤအမျိုးအစား ဖြစ်သည်။ ချမ်းသာကြွယ်ဝစေရန် ပစ္စည်းများပေးခြင်း၊ အခွင့်အရေးများ ပေးခြင်းအတွက် မဟုတ်။ ကျွန်ုပ်တို့ကို ဖန်ဆင်းထားခြင်း အတွက်မဟုတ်။ ကျွန်ုပ်တို့လိုအပ်ရာ နေထိုင်ရာမြေကမ္ဘာ၊ စားသောက်စရာများ၊ အဖော်များကို ဖန်တီးပေး၍ မဟုတ်။ ဗုဒ္ဓကို အရိုအသေပေး ၀တ်ပြုခြင်းမှာ ဆင်းရဲဒုက္ခမှ လွှတ်မြောက်ရန်အတွက် တိကျသေချာသော၊ စံပြုထိုက်သော သူ့ကိုယ်တွေ့များအား သင်ကြားလမ်းညွှန်ခဲ့ခြင်းအတွက် ဖြစ်သည်။ ဤသည်မှာ ဗုဒ္ဓကို ကျွန်ုပ်တို့ အရိုအသေပေးဝတ်ပြုရခြင်း၏ အဓိပ္ပာယ် ဖြစ်သည်။

June 17, 2009

စင်ကာပူရောက် မြန်မာမိန်းကလေးများအတွက် သတိပေးချက်



ပြောသင့်သည်ထင်၍ ပြောပြပါဦးမည်။ အားလုံး ကောင်းဖို့၊ အေးချမ်းစွာ နေနိုင်ဖို့ရည်ရွယ်ပါသည်။ မည်သူ့ကိုမှ တိုက်ခိုက်လို၊ ထိခိုက်စေလိုသော စိတ်ဖြင့် ရေးသားခြင်း မဟုတ်ကြောင်း ကြိုတင် အသိပေးပြောကြားလိုပါသည်။


ကျွန်တော့်တွင် ညီမလေးအရင်းတစ်ဦးကဲ့သို့ ခင်မင်သော မိတ်ဆွေတစ်ယောက် ရှိပါသည်။ စင်ကာပူတွင် အလုပ်လုပ်နေသူဖြစ်သည်။ ၂၀၀၈ ခုနှစ် တရုတ်နှစ်သစ်ကူးနောက်ပိုင်းတွင် သိကြသည့်အတိုင်း 1800 S$ ပေးသော Spass ကို သူက 1400 S$ ဖြင့်လုပ်ပေးရသည်။ သူဌေးက လကုန်လျှင် ဘဏ်ထဲ လစာ 1800 S$ ကို လခ အဖြစ်ထည့်ပေးလိုက်ပြီး နောက်မှ 400 S$ သူဌေးကို ပြန်ပေးရသည့် စနစ်။


သူဌေးက ပထမ လတွင် 400 S$ ထုတ်ကာ ပြန်ပေးတော့။ ပြန်ယူသည်။ နောက်လများတွင် 400 S$ ပြန်ပေးတော့ လက်မခံပဲ သိမ်းထားဟု ပြောသည် ဟုဆိုပါသည်။ ထို့ကြောင့် ကျွန်တော့်ညီမလေးက သူ တစ်လ 1800 S$ ရသည်ဟု ယူဆလိုက်သည်။ ထို့ကြောင့် သူလည်း ရသမျှငွေ အကုန် အိမ်ကို ပို့သည်။ မိမိ လက်ကိုင် ကိုယ်ပိုင်ငွေချန်မထား။ ထိုနည်းအားဖြင့် ၁ နှစ်ကျော်လောက် ဖြတ်သန်းလာခဲ့သည်။


လွန်ခဲ့သော ၆ လခန့်မှ စကာ သူဌေးက သူ့အား ရုပ်ရှင်ကြည့်ရန်ခေါ်သည် ဟုဆိုပါသည်။ သူက လူအများဖြင့် တက်သည့် ပါတီပွဲ ထင်ကာ တစ်ခေါက် လိုက်သွားမိသည်ဟု ဆိုသည်။ စနေ၊ တနင်္ဂနွေနေ့များတွင် ဟိုပါတီရှိသည်။ သည်ပါတီရှိသည် ဆိုပြီး နောက်ထပ်ခေါ်သည်။ နောက်ပိုင်း သူမလိုက်နိုင်ကြောင်း ငြင်းခဲ့သည်ဟု ဆိုသည်။


ထိုနောက်ပိုင်းတွင် သူဌေးက သူ့ကို ခေါ်ပြီး လစဉ်ပြန်ပေးရမည့် လစာငွေ များကို ပေးရန်ပြောသည်ဟု ဆိုပါသည်။ ထိုအခါ သူက သူ့ကို လစာ 1800 S$ ပေးသည်ထင်၍ အကုန်သုံးမိကြောင်း ပေးရန်မရှိကြောင်း ပြောကာ ငိုနေမိသည် ဟု ဆိုပါသည်။ သူဌေးက နောက်ထပ် ဘာမှ ထပ်မပြောဘဲ သည်အတိုင်း လွတ်ပေးထားပြန်သည်။ ဘာကြောင့် သူဌေးက ဒီလို လုပ်သည်ဆိုသည်ကို သူသဘောမပေါနိုင်ဟု ဆိုပါသည်။ ထို့ကြောင့် စိတ်လည်းညစ်၊ ဘာလုပ်ရမှန်းလည်း မသိ၍ ကျွန်တာ့်ကို ပြောပြခြင်းဖြစ်ပါသည်။ စိတ်ညစ်နေရှာသည့်သူ့ကို ကျွန်တော်တတ်နိုင်သလောက်တော့ အကြံဉာဏ်ပေးပါသည်။ လုပ်သင့်သည်များကိုလည်း ပြောပြပါသည်။ သူယခုထိ ဘေးကင်းနေသေးသည်ကိုတော့ ၀မ်းသာရမည် ဖြစ်ပါသည်။


မြန်မာတို့၏ အားနည်းချက်မှာ အလုပ်ပြုတ်မှာ ကြောက်ခြင်း။ PR မရသေးသည့်အတွက်။ မြန်မာပြည်ပြန်ရလျှင် ခက်ရချည့် ဆိုသည့် ဖိအား။ ရသမျှကို မိဘထံပို့ကာ ကျေးဇူးဆပ်ကြခြင်းနှင့် အရေးကြုံလျှင် သုံးနိုင်ရန် လက်ကိုင်ငွေ မရှိခြင်း။ သို့သော်ယခု ကိစ္စအတွက် စဉ်းစားရမည်မှာ မြန်မာပြည်ပြန်ရ၍လည်း စားစရာမရှိအောင် ဆင်းရဲသွားမည်မဟုတ်ပါ။ နောက်တစ်ခါ ထပ်လာကာ အလုပ်ရှာနိုင်ပါသည်။ ထွက်သင့်သော အလုပ်ဖြစ်က ထွက်ရမည်။ "သင့်တင့်လျောက်ပတ်သော နေရာ၌ နေရခြင်းသည်လည်း မင်္ဂလာတစ်ပါး" ဟု ဆိုပါသည်။ ထိုကဲ့သိုပင် "မသင့်မလျောက်ပတ်သော အရပ်ဒေသကို စွန်ခွာခြင်းသည်လည်း ပညာဉာဏ်ရှိသူ၊ အေးချမ်းလိုသူ တို့အတွက် လုပ်သင့်သော လုပ်ရပ်" ဟု ကျွန်တော်မြင်ပါသည်။ ကိုယ့်ကြိုးကိုယ်ချည်သည့် အဖြစ်မျိုးတော့ အဖြစ်ခံ၍ မရပါ။ တိုင်းတစ်ပါးရောက် မိန်းကလေးများ၊ အားကိုးစရာမဲ့မှုကို အခွင့်ကောင်း အဖြစ် အသုံးချကြမည့် ကျားငစဉ်းလည်း များလည်း များစွာရှိပါသည်။ သတိကို တမံ ဉာဏ်ကို ကတုတ် လုပ်ကာ နေထိုင်ကြရမည် ဖြစ်ပါသည်။

ကျွန်တော့်ကို အစ်ကိုကြီးတစ်ယောက်ကပြောဖူးသည်။ "တို့တွေက ဖော့တွေးတတ်တဲ့အကျင့် ကြောင့်ခံကြရတာများတယ် ညီလေးရ။ ကိုယ်သံသယဖြစ်တာကို ဒါတော့ မဖြစ်နိုင်လောက်ပါဘူးလေ ဆိုပြီး ဖော့တွေးကြတယ်။ နောက်တော့ အဲတာကြောင့် ခံကြရတာပဲ။" ထို့ကြောင့် ယခု ထိုညီမလေး ကိစ္စကို ကျွန်တော် ဖော့ပြီးမတွေးပါ။ ကျွန်တော်ကတော့ ကျွန်တော့်အမြင်ကို ရှင်းရှင်းပဲပြောပြသည်။ သူဌေးက သူမကို ကြံနေတာဖြစ်နိုင်ကြောင်း။ အလုပ်ချိန်ပြင်ပတွင် ၂ ယောက်တည်းတွေ့ရန်ကြံခြင်းသည် မရိုးသား ဟုမြင်ပါသည်။ ထို ညီမလေးကလည်း သူဌေး၏ အကြံကို ရိပ်မိသောကြောင့် စိတ်ညစ်လာဟန် တူပါသည်။ လစာငွေ ကိစ္စဖြင့် ဖိလာသော အခါ Stress ဖြစ်လာတော့သည်။ ထိုကိစ္စကို သူဘယ်လိုရှင်းရမည် မသိ သူဌေးက ရှင်းရှင်းလင်းလင်းလည်းမပြော။ ကျွန်တော့် အမြင်ကတော့ ငွေပမာဏ ကြီးသထက်ကြီးလာရန် ကြံစည်နေခြင်းနှင့် အကွက်ကောင်းချောင်းနေခြင်းဟု မြင်ပါသည်။ အမှန်မှာ 1800 S$ ပုံမှန် လစာသာပေးပြီး တစ်ဖက်လှည့်ဖြင့် ယုတ်မာရန် ကြံစည်ခြင်း ဖြစ်ပါသည်။ ထို ညီမကလေးသာ ပိုက်ဆံကို မိဘကျေးဇူး ဆပ်လိုသည့် အတွက် ရသမျှ အကုန်ပို့ကာနေမည်၊ ငွေပမာဏကလည်းကြီးသထက်ကြီးလာမည် ဆိုပါက နောက်ဆုံး တစ်ကိုယ်လုံး ထိုးအပ်ရမည့်ကိန်း ဖြစ်အောင် လုပ်မည်ဟု ကျွန်တော်မြင်သည်။ ဘာမှလည်း ပြန်မပြောနိုင်။ ပြန်လို့လည်းမဖြစ်။ အလုပ်လည်း လုပ်ပေးရသေး၊ အပျော်မယားလည်း ဖြစ်ရဦးမည့် အကြံ။


ထိုအဖြစ်အပျက်ကြီး ဖြစ်လာခဲ့သော် ..

(၁) ထိုညီမ စိတ်ဆင်းရဲမည်။

(၂) ထို သူဌေးလည်း နောက်ပိုင်း စိတ်ဆင်းရဲမှုဖြင့်သာကြုံပါမည်။

(၃) သူဌေးတွင် မိသားစုရှိမည်။ ထိုမိသားစုလည်း ဤကိစ္စမျိုးကို ၀မ်းသာမည် မဟုတ်ပါ။

(၄) ထိုညီမ၏ မိသားစု ထိုကိစ္စကို သိပါက အဘယ်လောက် ကိုယ်စိတ်ဆင်းရဲမည်ကို ခံစားကြည့်ပါ။

(၅) ထိုကဲ့သို့သော ကုမ္ပဏီသည် ပျက်စီးရန် များပါသည်။ ထိုကုမ္ပဏီကို အမှီပြုသော ၀န်ထမ်းတို့သည်လည်း အလုပ်အကိုင် ပြဿနာ များစွာတက်လာကြမည်ဖြစ်သည်။


ကျွန်တော် အကြံတစ်ချို့ပေးဖြစ်ပါသည်။ ထိုညီမလေး စိတ်ချမ်းသာ ကိုယ်ချမ်းသာရှိပြီး ဘေးရန်အပေါင်းမှ အေးချမ်းစွာ ကျော်လွှာအောင်မြင် ပါစေကြောင်းလည်း ဆုတောင်းပေးလိုက်ပါသည်။


ထိုကဲ့သို့သော အဖြစ်အပျက်မျိုး၊ ဆင်တူသော ဆင်ကွက်မျိုးထဲ ၀င်တိုးမိသော မြန်မာအမျိုးသမီး၊ ဘယ်လူမျိုးဘယ်အမျိုးသမီးပဲ ဖြစ်ဖြစ် မကောင်းပါ။ ပစ္စုပ္ပန် သံသရာ ဘယ်ဟာအတွက်မှ ကောင်းသော အလုပ် မဟုတ်ပါ။ ထိုကဲ့သိုသော အဖြစ်အပျက်မျိုးကို ကြိုတင်သတိထား ကာကွယ်နိုင်ရန်၊ သည်လို အဖြစ်အပျက်မျိုးလည်းကြောင်း သိစေရန် ဤစာကိုရေးရခြင်းဖြစ်ပါသည်။

June 15, 2009

ဟောင်ကောင်သို့ တစ်ကိုယ်တော်ခရီး (၁၀)

ဆက်မရေး ဖြစ်တော့သော ဟောင်ကောင်ခရီးကို ဆက်ရေးရန် အကြောင်းက ဖန်လာပြန်သည်။ ကိုဇူလိုင်အိပ်မက်(July-Dream) Tag လိုက်သည့် "နိုင်ငံခြားပြန်" က စသည်။ ပြန်ဖူးသည့် နိုင်ငံခြားဆို၍ ဟောင်ကောင်မှ စင်ကာပူ ပြန်ဖူးတာပဲရှိသည်။ မြန်မာပြည်ကလည်း မပြန်ဖူးသေးတော့ ရေး၍မရ။ မရေးလျှင် ငယ်ငယ်က ချေးဖူးသော "သားရေကွင်း ၃ ကွင်း အကြွေးပြန်တောင်မည်။ ငယ်ကျိုးငယ်နာဖော်မည်" ဟု ဆိုသောကြောင့် မရှိ ရှိတဲ့ နိုင်ငံခြားပြန်ကို ကောက်ရေးရတော့သည်။ ဒီကောင်က မလွယ်။ ငယ်ငယ်က ဘောင်းဘီ မပါဘဲ စိန်ပြေးတမ်း ကစားတာလည်း ချန်မည်မဟုတ်။ နှပ်တွဲလောင်းဖြင့် မုန့်လုစားကြတာလည်း ပြောပလိုက်မည်ဟု ဆိုသည်။ သူ့ပါးစပ်ထဲ နှပ် နှစ်ရွတ်ဝင်သွားသည့် အတွက် လည်ချောင်းကြောကြီး တင်းနေအောင် အသက်အောင့်ပြီး မျိုချလိုက် ရသည်ကို တော့ မပြောပဲ ချန်ထားပြီး။ သားရေကွင်း ပစ်တမ်း ကစားကြစဉ် ပုဆိုးမ၀တ်သော ကျွန်တော့က သားရေကွင်း ပစ်မှတ်မှ လွှဲထွက်လာသော သူ့လက်ချက်ကြောင့် ၃ ရက် ခန့် ရောင်ကိုင်း နေခဲ့သော အဖြစ် အပျက် အားလည်း ခရေစေ့ တွင်းကျကျ ပြောပလိုက်မည် ဟုလည်း အကြပ် ကိုင်သည်။ သတ္တိကောင်းသော ကျွန်တော်က ခံငြင်းပါသေးသည်။ နောက်ဆုံး မရေးလို့ကတော့ ငါးပြားစေ့ ၆ စေ့ ချေးထားတာ ဆပ်ကို ဆပ်ရမည်။ ငါးပြားစေ့ ၆ စေ့ မဆပ် နိုင်လျှင်။ တစ်သက်လုံး ခွေးချေးကိုင် ဟု ခေါ်မည်ဟု အကြပ်ကိုင်မှုကို ခံရသောအခါတွင်တော့ ခေါင်းညိမ့် လိုက်ရတော့သည်။ အကြောင်းမှာ ကျွန်တော်တို့ သူငယ်ချင်း တစ်သိုက် တူတူ ပုန်းတမ်း ကစားကြစဉ် လေးဘက်ထောင်တွာသွားလာသော ကျွန်တော်က ခွေးချေးပုံ တည့်တည့် လက်ထောက်မိတာ သူတစ်ယောက် သိထားပြီး ထိုစဉ်ကတည်းက ခုထိ မပြောရန်၊ ထိပ်တန်းလျှို့ဝှက် အဆင့်ဖြင့် သတ်မှတ်ပေးပါရန် ထန်းလျက် တစ်ဆုပ်ပေးပြီး တောင်းပန်ခဲ့ရသည်ကို လူသိ မခံလို သောကြောင့်တည်း။ :D




3D ရုပ်ရှင် ကြည့်ပြီးတော့ ကျွန်တော်ကစားကွင်းတွေဖက်ရောက်လာသည်။ ကလေးလည်း မဟုတ် လူကြီးလည်း မဟုတ် ကျွန်တော်က ၀င်ကစားရမှာ ကြောင်တောင်တောင် ဖြစ်နေသည်။ သို့သော် ရောက်တုန်းရောက်ခိုက် ပိုက်ဆံလည်း ပေးထားမှ တော့ စီးမယ်ကွာ ဆိုပြီး စီးဖြစ်ခဲ့သည်။ ပထမဆုံး မြင်နေရသည့် ကစားရုံများ၏ ဓာတ်ပုံများကို အမှတ်တရ တင်ပြပါသည်။




ခပ်ဝေးဝေးက မြင်နေရသည့် ကစားရန်နေရာ .




သိပ္ပံ ဆန်ဆန် အမိုးများ တည်ဆောက်မှုများဖြင့်





အရုပ်များဖြင့် စီးရသော ချား ။ ဒါတော့ ကျွန်တော် မစီးဖြစ်ခဲ့ပါ။ ကလေးဆန်လွန်းသည်ထင်၍။ အမှန်တော့ အဲလိုမဟုတ်ပါ။ ကျွန်တော်က အရှက်ကြီးပါသည်။ လူတောမတိုးသည့်ကောင်။ နောက်ဘယ်လိုက ဘယ်လိုဖြစ်ပြီး ကျောင်းသားတွေရှေ့ထွက် စာသင်ရဲသည် အထိ သတ္တိကောင်းသွားတာလည်း မသိပါ။ နောက်တော့ရေးဦ်းမည်။



ဒီ ပန်းကန်ကြီးတွေ စီးတာလည်း မစီးဖြစ်ခဲ့ပါ။ ပျော်တော့ ပျော်စရာကြီးဖြစ်သည်။ ခွက်တွေ ပန်းကန်တွေထဲထိုင်ပြီး လိုက်ရသည်။ တ၀ှီဝှီမြည်နေအောင်လည်သည်။



ခေါင်းမူးချင်စရာ အတော်ကောင်းသည်။ သိုသော် လူတွေ ခေါင်းမူးတာ မတွေ့ရပါ။ ဘယ်လို တွက်ချက်မှုမျိုးဖြင့် တည်ဆောက်ထားသည်ကို လေ့လာဖို့လိုမည်။ မြန်တာတော့ တော်တော်လေးမြန်သည်။

လမ်းတွင် ဒီကောင်ကြီးနှင့်ကြုံ၍ အမှတ်တရ ဓာတ်ပုံရိုက်လိုသည် ဆိုသည့် အတွက် တွဲရပ်ပေးလိုက်ရသေးသည်။ င်္ပြီးတော့ လှည့်အထွက် လက်အရမ်းမှာ လက်နှင့် တန်းနေသော ဒီကောင့် BALL ကို အားပါပါ တီးလိုက် သလို ဖြစ်သွားသည့် အတွက် ကုန်းကုန်းကွကွ ဖြင့် အော်နေသောကြောင့် ဟောင်ကောင်တွင် ဥုံဥုံဖွဖွ လုပ်ပေးလိုက်ရသေးသည်ကတော့ တစ်သက်တာမေ့မည် မဟုတ်။ :D

(မပြန်ရသေးသောကြောင့် ဆက်ရန်ရှိသေးသည်)


June 9, 2009

ဗုဒ္ဓဘာသာဝင်တို့ သိသင့်သောအမေးအဖြေများ

(၅) ဗုဒ္ဓသေဆုံးပြီးနောက် သူသည် ကျွန်ုပ်တို့ကို ဘယ်လိုအကျိုးပြုကူညီနေသလဲ?

လျှပ်စစ်ကို ရှာဖွေတွေ့ရှိခဲ့သော ဖာရာဒေး (Farady) သေဆုံးခဲ့ပြီ၊ သို့သော် သူရှာဖွေတွေ့ရှိခဲ့သည့် လျှပ်စစ်ဓာတ်က ကျွန်ုပ်တို့ကို အကျိုးပြူနေဆဲ။ ရောဂါပေါင်းများစွာကို ကုသသည့်ဆေးပညာကို ရှာဖွေတွေ့ရှိခဲ့သူ လူ့စ်ပါ့စ်ချား (Luis Pasteur) သည် သေဆုံးခဲ့ပြီ၊ သို့သော် သူရှာဖွေတွေ့ရှိခဲ့သည့် ဆေးပညာသည် လူအသက်ပေါင်းများစွာကို ကယ်တင်နေဆဲ။ ဂန္ထ၀င်မြောက်ပန်ချီကား ၂ ချပ်ကို ဖန်တီးရေးဆွဲခဲ့သူ လီယိုနာ ဒိုဒါဗင်ချီ (Leoardo Da Vinci) သေဆုံးခဲ့ပြီ၊ သို့သော် သူ့အနုပညာလက်ရာကား လူများကို ဖမ်းစားဆဲ။ ရာစုနှစ်ပေါင်းများစွာက သေဆုံးခဲ့ကြပြီဖြစ်သော သူရဲကောင်းအပေါင်းတို့၏ လုပ်ရပ်တို့သည်လည်း ယခုပြန်လည်ဖတ်ရှုသိရှိရသောအခါ ပြန်လည်ဆန်းသစ်ကာ ယခုတိုင် ကျွန်ုပ်တို့၏ သတ္တိများကို မွေးဖွားစေမြဲ။ ဗုဒ္ဓသေဆုံးခဲ့သည်မှာ နှစ်ပေါင်း ၂၅၀၀ ကျော်ပြီဖြစ်သော်လည်း သူ၏ သွန်သင်ဆုံးမမှုများကား ယနေ့တိုင် ကျွန်ုပ်တို့ကို အကျိုးရှိစေမြဲ။ သူပြုခဲ့သော နမူနာတို့သည် လူတို့ကို လှုံ့ဆော်နေနိုင်ဆဲ၊ ဘ၀များကို ပြောင်းလဲစေနိုင်ဆဲပင်။ သေဆုံးပြီးနောက် ထိုကဲ့သို့ စွမ်းနိုင်သူမှာ ဗုဒ္ဓတစ်ဦးတည်းသာလျှင် ရှိပေသည်။

(၆) ဗုဒ္ဓသည် ထာဝရဘုရားသခင်လော?

မဟုတ်ပါ။ သူသည် ထာဝရဘုရားသခင် ဖြစ်သည်ဟုလည်းကောင်း၊ ထာဝရဘုရားသခင်၏ သားတော်ဖြစ်သည်ဟုလည်းကောင်း၊ ထာဝရဘုရားသခင်က စေလွှတ်လိုက်သော တမန်တော် အဖြစ်လည်းကောင်း မည်သည့် အခါမျှ မပြောဆိုခဲ့ပါ။ သူသည် သူ့ကိုယ်သူ အလုံးစုံပြီးပြည့်စုံအောင် ကျင့်ကြံနေထိုင်နိုင်ခဲ့သူ ဖြစ်သည်။ သူ၏ နမူနာအတိုင်း ကျွန်ုပ်တို့ လိုက်နာလုပ်ဆောင်လျှင် ကျွန်ုပ်တို့ ကိုယ်တိုင်ပင် သူကဲ့သို့ အလုံးစုံပြီးပြည့်စုံသူဖြစ်နိုင်သည် ဟု သင်ကြားပြောဆိုခဲ့သည်။

သူတို့ဆီက ဟာသ

June 8, 2009

ငှက်ကမ္ဘာသို့ အလည်တစ်ခေါက် (၃)


အမှတ်တရ ရိုက်လာခဲ့သော ဓာတ်ပုံများထဲမှ နှစ်သက်မိသော ဓာတ်ပုံလေးများကို ရွေးတင်လိုက်ပါသည်။

ဓာတ်ပုံအမည်ပေး

အစီအစဉ်သစ်ကလေးတစ်ခုကို စတင်လိုသည်။ ဓာတ်ပုံအမည်ကို ကျွန်တော် မပေးတတ်တော့ပါ။ ပရိတ်သတ်ကပေးသောနာမည်ကို တင်လိုပါသည်။ ဓာတ်ပုံ နံပါတ်တပ်ထားပါမည်။ Comment တွင် ဓာတ်ပုံ နံပါတ်နှင့် မိမိပေးလိုသောနာမည်ကို ရေးသားပေးပါရန် ပန်ကြားအပ်ပါသည်။ ကောင်းနိုးရာရာ နာမည်ကို ရွေးကာ ဓာတ်ပုံအတွက် အမှတ်တရ နာမည် အဖြစ်ပေးပါမည်။

ဓာတ်ပုံ (1)
ဓာတ်ပုံ (2)

ဓာတ်ပုံ (3)

ဓာတ်ပုံ (4)

ဓာတ်ပုံ (5)

ဓာတ်ပုံ (6)

ဓာတ်ပုံ (7)

ဓာတ်ပုံ (8)

ဓာတ်ပုံ (9)


ဓာတ်ပုံ (10)

June 7, 2009

ဗုဒ္ဓဘာသာဝင်တို့ သိသင့်သောအမေးအဖြေများ

(၃) ဗုဒ္ဓ ဆိုတာ ဘယ်သူလဲ ?

ယေရှုခရစ်တော် မပေါ်မီ နှစ်ပေါင်း ၅၆၃ ခုတွင် အိန္ဒိယနိုင်ငံမြောက်ပိုင်းတွင် ဘုရင်မိသားစုမှ ကလေးတစ်ဦး ဖွားမြင်ခဲ့သည်။ သူသည် စည်းစိမ်ဥစ္စာအပြည့်ဖြင့် ကျန်းမာချမ်းသာစွာ လူလားမြောက်ကြီးပြင်းခဲ့သည်။ နောက်ပိုင်းတွင် ဥစ္စာပစ္စည်းများ နှင့် အဆောင်အယောင်တို့သည် ပျော်ရွှင်မှုကို အမှန်တကယ် ပေးနိုင်သည့် အရာများ မဟုတ်ကြောင်း တဖြည်းဖြည်း သဘောပေါက်လာခဲ့သည်။ သူ့ပတ်ဝန်းကျင်းရှိ လူများ၏ ဆင်းရဲ ဒုက္ခများကို မြင်တွေ့ခဲ့သည်။ ထိုအချက်တို့က သူ့အား လူတို့ကို အမှန်တကယ်ပျော်ရွှင်စေနိုင်သည့် သော့ချက် ကို ရှာဖွေရန် ဆန္ဒပြင်းပြစေခဲ့သည်။ အသက် ၂၉ နှစ်အရွယ်တွင် သူ့ဇနီးနှင့်သားတစ်ဦးကို ထားခဲ့ပြီး ထိုသော့ချက်ကို ရှာဖွေရန် ထွက်သွားခဲ့သည်။ သူသည် ထိုခေတ်အခါက ထိပ်သီးဘာသာရေးဆရာကြီးများထံတွင် တပည့်အဖြစ်ခံယူကာ သူတို့၏ နည်းနာများကို လေ့လာသင်ယူခဲ့သည်။ ထိုဆရာကြီးများက သူ့ကို နည်းလမ်းများစွာ သင်ပေးခဲ့ကြသည်။ သို့သော် မည်သည့်ဆရာကမျှ လူများ အဘယ့်ကြောင့် ဆင်းရဲဒုက္ခဖြစ်ရသည့် အကြောင်းရင်းကို မသိရှိနိုင်သည့်ပြင်၊ မည်သည့်နည်းလမ်းအားဖြင့် ထိုဆင်းရဲဒုက္ခတို့မှ လွှတ်မြောက်အောင် လုပ်ဆောင်နိုင်သည်ကို သင်ကြားပြသနိုင်ခြင်း မရှိခဲ့ပေ။ သူသည် ဆင်းရဲပင်ပန်းကြီးစွာဖြင့် ၆ နှစ်ကြာ ဒုက္ခခံကာကြိုးစား လေ့ကျင့်သော်လည်း မအောင်မြင်သည့် အတွက် နည်းလမ်းအားလုံးကို စွန့်လွှတ်ကာ တရားထိုင်ခြင်းကို စတင်လုပ်ဆောင်ခဲ့သည်။ ထိုတရားထိုင်သည့် နည်းလမ်းဖြင့် အမှန်ကို သဘောပေါက်ကာ အရာရာကို အမှန်အတိုင်း သိမြင်နိုင်သောဉာဏ်ကို ရရှိခဲ့သည်။ ထိုအချိန်မှ စ၍ သူအား "ဗုဒ္ဓ" (Buddha) သို့မဟုတ် "အရာအားလုံးကို အမှန်အတိုင်းသိမြင်"သူ ဟု သတ်မှတ်ခေါ်တွင်ခဲ့သည်။ သူသည် နောက်ထပ် ၄၅ နှစ် အသက်ရှင်နေထိုင်ခဲ့သည်။ ထိုအတောအတွင်း အိန္ဒိယမြောက်ပိုင်း တစ်ခုလုံး အနှံ့ လှည့်လည်သွားလာပြီး သူတွေ့ရှိခဲ့သည့် သဘောတရားများ နည်းလမ်းများအား လူအများကို သင်ကြားပို့ချပေးခဲ့သည်။ သူ၏ မေတ္တာကရုဏာ နှင့် သည်းခံစိတ်ရှည်မှုတို့သည် အလွန်ထင်ရှားပြီး လူထောင်ပေါင်းများစွာ သူ့နောက်လိုက်ဖြစ်လာခဲ့ကြသည်။ အသက် ၈၀ ပြည့်သောအခါတွင် အိုမင်းလာပြီး နေမကောင်းဖြစ်သည်။ သို့သော် ထိုအချိန်တွင်ပင် ကြည်ညိုဖွယ် အသွင်အပြင်ရှိပြီး၊ ကြည်လင်အေးချမ်းဆဲပင်ဖြစ်သည်။ နောက်ဆုံးတွင် သေဆုံးသွားသည်။



(၄) သိဒ္ဓတ္တဂေါတမ (Siddhattha Gotama)၏ ဇနီးနှင့် သားကို စွန့်ထားခဲ့ခြင်းသည် တာဝန်မဲ့ခြင်းလော?

သိဒ္ဓတ္တဂေါတမ (Siddhattha Gotama)အတွက် သူ့မိသားစုကို စွန့်ခွာထားခဲ့ရန် ကိစ္စသည် လွယ်ကူသော ကိစ္စ မဟုတ်ခဲ့ပါ။ သူသည် သူစွန့်ခွာမသွားမီ အချိန်ထိ စိုးရိမ်ပူပန်မှုအပြည့်ဖြင့် အချိန်အတော်ကြာ ချီတုံချတုံ ဖြစ်ခဲ့မည်။ သူ့တွင် ရွေးစရာနှစ်ခုရှိခဲ့သည် တစ်ခုက မိသားစုအတွက်၊ တစ်ခုက လောက အတွက်။ နောက်ဆုံးတွင် သူ၏ကြီးမားသောမေတ္တာတရားက လောကကြီးအတွက် သူ့ဘ၀ကို နစ်မြုပ်ပေးဆပ်ရန် ဖြစ်ခဲ့သည်။ ယနေ့တိုင် လောကကြီးတစ်ခုလုံး သူ့တွေ့ရှိချက်များ၏ အကျိုးကျေးဇူးကို ခံစားနေရဆဲဖြစ်သည်။ ထို့ကြောင့် ဇနီးနှင့်သားကို စွန့်လွတ်ခဲ့ခြင်းသည် တာဝန်မဲ့ခြင်း မဟုတ်။ ထိုစွန့်လွတ်ခြင်းသည်ပင် သူ၏ အသိသာ၊ အထင်ရှားဆုံး တရားသဘောတစ်ခုပင် ဖြစ်ကောင်းဖြစ်နိုင်သည်။

June 6, 2009

မျိုးသုဉ်းပျောက်ကွယ်တော့မည် မိချောင်းဖြူ

ကမ္ဘာတွင် အဖြူရောင် မိချောင်း ( Albino Alligator) ရှိသည်။ မိချောင်းဖြူများကို သားရိုင်းတိရိစ္ဆာန်များဘေးမှ ကယ်ဆယ်ကာ ဖလော်ရီဒါ (Florida) တိရိစ္ဆာန်ဥယျာဉ်သို့ ပို့ဆောင်ထားခဲ့ကြသည်။ သူတို့သည် အဖြူရောင် အရေခွံကြောင့် သားရဲများ၏ လွယ်ကူစွာ ဖမ်းဆီးစားသောက်ခံရသည့် သားကောင်များ ဖြစ်ခဲ့ကြသည်။ အချို့ မိချောင်းဖြူများကို ဂျာမနီသို့ ပို့ခဲ့ကြသည်။ ၂၀၀၇ ခုနှစ်စာရင်းအရ မိချောင်းဖြူဦးရေ ၃၀ သာ ရှိတော့သည်။

ဗုဒ္ဓဘာသာဝင်တို့ သိသင့်သောအမေးအဖြေများ

(၂) ဗုဒ္ဓ၀ါဒ သည် သာမာန်အတွေးအခေါ်တစ်ခု မျှသာလား

အတွေးအခေါ် (Philosophy) ဟူသော စကားလုံးသည် ဖီလို (Philo) "မေတ္တာတရား" နှင့် ဆိုဖီယာ (Sophia) "ဉာဏ်ပညာ" ဟူသော စကား ၂ လုံးမှ ဆင်းသက်လာခဲ့ခြင်းဖြစ်သည်။ ထို့ကြောင့် အတွေးအခေါ် (Philosophy)ဆိုသည်မှာ "မေတ္တာတရား နှင့် ဉာဏ်ပညာ" ကို ကိုယ်စားပြုသောကြောင့် ဗုဒ္ဓ၀ါဒ ကို ပြည့်ပြည့်စုံစုံ ဖော်ညွှန်းနိုင် သလိုရှိပါသည်။ ဗုဒ္ဓ၀ါဒသည် ကျွန်ုပ်တို့အား အမှန်တရားကို ရှင်းရှင်းလင်းလင်း သိမြင်သဘောပေါက်စေရန်အတွက် အသိဉာဏ်ပိုင်း တိုးတက်ပြည့်စုံလာအောင် ကြိုးစားကြရန် တိကျသောနည်းလမ်းများဖြင့် သင်ကြားလမ်းညွှန်သည်။ ထို့ပြင် ရှိရှိသမျှ သတ္တ၀ါအားလုံးအား မိမိ၏ သွေးသားရင်ချာကဲ့သို့ အကြင်နာ မေတ္တာတရားထားကြရန်လည်း သွန်သင်သည်။ သို့သော် ဗုဒ္ဓ၀ါဒသည် သာမာန်အတွေးအခေါ်သက်သက်မျှမဟုတ်၊ သာမာန်တွေးခေါ်ရှင်တို့၏ အတွေးအခေါ်ထက် အဆင့်လွန်သည့် အတွေးအခေါ် (Supreme Philosophy) (၀ါ) အမြဲတမ်းမှန်နေသည့်အတွေးအခေါ်များဖြစ်သည်။
(စကားချပ်။ ။ ဗုဒ္ဓသည် သစ္စာ လေးပါးကို သိရှိခြင်းမှာ တွေးခေါ်၍ မဟုတ်ပါ။ လေ့ကျင့်၍ ရလာခြင်းဖြစ်သည်။ ထိုသစ္စာလေးပါးကို သိရန် လေ့ကျင့်ရမည့်နည်းလမ်းလည်း အတိအကျရှိသည်။ ထိုကဲ့သို့သော နည်းလမ်းမှအစ အရာအားလုံး၊ သိစရာမှန်သမျှအားလုံးကို သူကိုယ်တိုင် လေ့ကျင့်မှုကြောင့် တပ်အပ်သိမြင်လာခြင်းဖြစ်သည်။ တွေးတောယူဆခြင်းကြောင့် သိလာခြင်းမဟုတ် ဟုဆိုပါသည်။)

June 4, 2009

ငှက်ကမ္ဘာသို့ အလည်တစ်ခေါက် (၂)

Jurong Bird Park ထဲက ငှက်ကြီး မလှုပ်မယှက်ကြီး ရပ်နေတော့ အရုပ်ကြီးဟုပင် ထင်ခဲ့မိပါသေးသည်။ အနားတအားကပ်ပြီး အသံပြုမှ ခေါင်းကလေး ငဲ့ကြည့်သည်။ အတော်အိနြေ္ဒကြီးသည်။ အမှတ်တရ ဓာတ်ပုံတော်တော် များများရိုက်ခဲ့သည်။ အကုန်တင်လျှင် စာလေးမည်စိုးသောကြောင့် ချန်ထားလိုက်သည်။ :D

(ထိုငှက်တွင် အဖော်ရှိပုံ မပေါ်ပါ။ ငူငူကြီးရပ်နေသည်။ အစာစားသည်လည်း မဟုတ်။ တောထဲတွင် ကျန်ခဲ့သော မဟေသီကိုများ လွမ်းနေလာ မသိပါ။)


ထို့နောက် ငှက်ဥယျာဉ်ကို ဆက်လမ်းလျှောက်။ ဆက်ကြည့်သည်။ ဖြူသလိုလို နီသလိုလို ငှက်များ။ ဘာငှက်မှန်း ကျွန်တော်မသိပါ။ ဗျိုင်းလိုလို ငှက်ဟုသာ မှတ်ပါသည်။ ငှက်ကို အဲလောက် စိတ်ဝင်တစားမလေ့လာဖြစ်တာတော့ ၀န်ခံရမည်။



ဒီငှက်တွေပေါ့ဗျာ နီသလိုလို ဖြူသလိုလိုနဲ့


စုစုစည်းစည်း ညီညီညွတ်ညွတ်နေကြတာကို တကယ်ကို အားကျသည်


တကောင်တည်းကွက်ပြီးလည်း သေချာရိုက်ဖြစ်ခဲ့သည်။

ဗုဒ္ဓဘာသာဝင်တို့ သိသင့်သောအမေးအဖြေများ

(၁) ဗုဒ္ဓ၀ါဒ ဆိုတာဘာလဲ
"ဗုဒ္ဓ၀ါဒ" (Buddhism) ဆိုသည်မှာ "ဗောဓိ" (bodhi) ဟူသည့် စကားလုံးမှ ဆင်းသက်လာခြင်းဖြစ်သည်။ ဗောဓိဟူသော စကားလုံး၏ အဓိပ္ပါယ်မှာ "အမှန်ကိုအတပ်သိခြင်း" (Enlightenment) ဖြစ်သည်။ ထို့ကြောင့် ဗုဒ္ဓ၀ါဒ ဆိုသည်မှာ "အမှန်တရားကို သိသည့် ၀ါဒ" ဟုပြောနိုင်ပေသည်။ ထိုဝါဒသည် ၃၅ နှစ်အရွယ်တွင် သူကိုယ်တိုင်ဆင်ခြင်သိမြင်နိုင်ခဲ့သော ဗုဒ္ဓ (Buddha) ဟု သိကြသည့် သိဒ္ဓတ္တဂေါတမ (Siddhattha Gotama) ၏ အတွေ့အကြုံများမှ စတင်ပေါ်ပေါက်ခဲ့သည်။ ဗုဒ္ဓ၀ါဒသည် နှစ်ပေါင်း ၂၅၀၀ ကျော်သက်တမ်းရှိခဲ့ပြီဖြစ်သည်။ ကမ္ဘာတစ်ဝှမ်းရှိ လူသန်းပေါင်း ၃၈၀ ကျော်က လိုက်နာနေသော ၀ါဒဖြစ်သည်။ လွန်ခဲ့သော နှစ်ပေါင်း ၁၀၀ ကျော်ကာလထိ ဗုဒ္ဓ၀ါဒသည် အဓိကအားဖြင့် အရှေ့တိုင်းတွင်သာ လိုက်နာကျင့်သုံးသောဝါဒအဖြစ်သာ တည်ရှိနေခဲ့သည်။ နောင်ပိုင်းတွင် ပိုမိုကျယ်ပြန့်လာပြီး ဥရောပ၊ သြစတြေးလျ နှင့် အမေရိက တို့တွင်ပါ လိုက်နာကျင့်သုံးလာကြသည်။

June 2, 2009

မြန်မာလူငယ်တစ်ဦးဖန်တီးသော တကယ်အသုံးဝင်သည့် အဘိဓာန်ဆော့ဝဲ

မြန်မာ ကွန်ပျူတာ User များအတွက် မြန်မာ-အင်္ဂလိပ် ၊ အင်္ဂလိပ် - မြန်မာ အဘိဓာန်ဆော့ဝ်ကောင်းလေးတစ်ခု ထွက်လာပါပြီ။ ဖန်တီးသူကတော့ ကိုစိုးမင်း။ ဂျပန်နိုင်ငံရောက် မြန်မာ လူငယ်တစ်ဦး။ ခေါင်းစားဖော် ခေါင်းစားဖက် နောက်တစ်ယောက်က ကိုမင်းကျော်။ သူက ဆွီဒင်မှာ။
ကိုစိုးမင်း၏ ကိုယ်ပိုင်နေရာလေးတစ်ခုမှာ http://www.soemin.net/ သွားရောက်လေ့လာကြည့်လျှင် သူ့စရိုက်နှင့် သူစေတနာကို တွေ့မြင်ရလိမ့်မည်။ ဖတ်စရာများစွာ၊ ဗဟုသုတယူစရာများစွာ။ သူအားထုတ်မှုတွေလည်း အားကျစရာ ......
ဒီမှာ http://code.google.com/p/wxpydict/ သွားဖတ်ကြည့်လို့ရသည်။ တကယ်ချီးကျုးထိုက်သည့် သူဖြစ်ပါသည်။ အများကောင်းကျိုးအတွက် ပေးဆပ်မှုတစ်ခုကို သူပြုခဲ့ပြီ။
ကိုစေတန်ဂေါ့ နှင့် ကျွန်တော်ကတော့ မိမိတို့စုထားသော ဒေတာများကို စေတနာဗရပွဖြင့် ထောက်ပံ့လိုက်ကြသည်။ အလွန်သုံး၍ကောင်းသော အဘိဓာန်ဖြစ်သည်။
အင်စတောလုပ်ပြီးတော့ ကျွန်တော် တစ်ခုရှာကြည့်သည်။ "စိုင်း" ဆိုတာ .... အောက်က ပုံအတိုင်းပေါ်လာသည်။ ကဲ ဘယ်လောက် .... လွယ်လဲ ........







တအားရှာရခက်နေရင် ဒီမှာ ....
Get it from CNET Download.com!

May 31, 2009

ငှက်ကမ္ဘာသို့ အလည်တစ်ခေါက် (၁)

ငှက်ဖြစ်ရင်ကွယ် ... ကြက်ဖြစ်ရင်ကွယ် တစ်ကိုင်းတည်းနားချင်တယ်ဆိုတဲ့ ဆုတောင်းပြည့်နေသူ

စားမှာပဲ ... ကိုယ်ကတော့ စားတာတစ်ခုပဲ သိတယ် ....




အထီးကျန် သိမ်ငယ်မှုများစွာရယ် ....


အနမ်းများစွာဖြင့် .....




အဖော်မပါ တစ်ကိုယ်ရည်တည်း ....




မိသားတစ်စု ပျော်ပျော်ပါးပါး



အားကျဖွယ် စည်းလုံးမှု




ရေဘဲလေးမြင်တော့ ငယ်ငယ်က လယ်တောထဲက ဖမ်းမိသော ရေဘဲလေးပြေးသတိရမိသည်။

May 30, 2009

ပင်ဂွင်းတို့ဆီ

လွန်ခဲ့သော အပတ် စနေနေ့က ပင်ဂွင်းငှက်များပျော်စံရာနေရာသို့မျက်စိလည်လမ်းမှားပြီး ရောက်သွားသည်။ လိုလိုမယ်မယ်ယူလာသည့် ကင်မရာဖြင့်မှတ်တမ်းတင်လာခဲ့သည်။
စာဖတ်ပရိတ်သတ် ဗဟုသုတအလို့ငှာ သို့မဟုတ် မျက်စိနှောက်စရာ အဖြစ် တင်ပြလိုက်ရပေသည်။












ပင်ဂွင်းငှက်တို့၏ ဤလို စုစည်းညီညွတ်မှုကို ကျွန်တော်အားရသည်။

ဤလို ကြင်ကြင်နာနာ အေးအေးချမ်းချမ်းလေးကိုလည်း အားကျသည်။ :D

May 24, 2009

ကျွန်တော်နှင့်တောတွင်းကာလများ (၇)

အဖွား ...........

လူတိုင်းတွင် အဖွားရှိသည်။ အဖေဖက်က အဖွား၊ အမေဖက်က အဖွား။ အဖိုး၊ အဖွားများနှင့် နေဖူးသူများ အဖိုး အဖွားကို မြေးတွေဘယ်လောက် သံယောဇဉ်ကြီးတာ နားလည်ခံစားနိုင်ကြမည်။ အဖေ အမေဆူတော့ ရိုက်တော့ ရှောင်ပုန်းစရာ။ မိမိတို့ တောင်မဟုတ် မြောက်မဟုတ် မေးသည် ပြောသည်ကို စိတ်ရှည် လက်ရှည် ဖြေကြား၊ သင်ကြားပြောပြကြသည်မှာ အဖိုးများ၊ အဖွားများ။ ချစ်လိုက်သည်မှာလည်း တုန်လို့။ သားအချစ် မြေးအနှစ် ဆိုတာ အလကားပေါ်လာသော စကားမဟုတ်။

ကျွန်တော့် အဖေ ဖက်က အဖွားအကြောင်းကို အရင်ပြောပြလိုသည်။ အဖွားနာမည်က ဒေါ်မြမေ။ အဖွားက ရွှေကျောင်းရွာသူကြီးသမီး။ စာတတ်သည်။ နယ်ဆိုတော့ အတန်းကြီး၊ တက္ကသိုလ်ပညာမဟုတ်ပါ။ လေးတန်းထိနေဖူးသည်ဟုဆိုသည်။ ကျွန်တော်တို့မြို့လေးသည်။ တောင်ပေါ်တောကျကျ မြို့လေးဆိုတာကို သိဖို့လိုပါသည်။ တောထဲ တောင်ထဲ ထို ခေတ် ထိုအခါ စစ်ဘေး၊ စစ်ဒဏ်ကြားမှ စာတတ်သူက ခပ်ရှားရှား။ အဖွားက ထိုလို လူထဲမှ တစ်ယောက်။ အသုံးလုံးခေတ်တွင် အဖွားကျောင်းပြန်တက်စရာမလို။ အဖွားစာကောင်းကောင်းတတ်သည်။ အတွက်အချက်နိုင်သည်။ ဘယ်အထိ တတ်မှန်းတော့ ကျွန်တော်လည်း မသိပါ။ အဖွားသက်ရှိထင်ရှားရှိစဉ် ကျွန်တော်က လူမမယ်။ အဖွားရွတ်ဖတ်ပူဇော်လေ့ ရှိသော တရားသံများကို နံနက်စောစော ကြားနေကြ။ ထို တရားသံများကို သာယာနာပျော်စွာကြားနေမြဲ။ အိမ်၏ ကျက်သရေဆောင် အဖြစ် သိနေဆဲ။ အဖွားသည် ကျွန်တော့်အဖို့ အကြင်နာတရား၊ ကိုယ်ကျင့်တရားပြည့်ဝသူနှင့် ဘာသာတရားကိုင်းရှိုင်းသူ တစ်ဦး။

အဖွား ဥပုသ်ကျောင်းသွားလျှင် အဖွားသူငယ်ချင်းများနှင့် စုစုပြီးသွားသည်။ ထမီအညိုရောင်လေးဝတ်၊ တံဘက်လေး ပုခုံးပေါ်တင်၊ ခေါင်းပေါ်တင်ပြီး ဥပုသ်ကျောင်း အသွားအပြန်မြင်ကွင်းများက ခု ပြန်စဉ်းစာတော့ ကွက်ကွက် ကွင်းကွင်းပေါ်လာသည်။ အဖေ၊ အမေနှင့် အရီး၊ ဦးလေးတို့က အဖွားတို့တစ်တွေ အပြန်ရေချိုးဖို့ ရေခပ်ပြီး ကုသိုလ်ယူကြ။ ဖျော်ရည်တိုက်ကြတာတွေ အမှတ်ရသည်။ ဥပုသ်သည် အားလုံး၏ မျက်နှာသည် အေးချမ်းလျက်။ တောသူတောင်သားတို့၏ ပကတိမျက်နှာကပင် အပြစ်က စင်ပြီးသား။ ဥပုသ်တရားများနာလာသောအခါ လေးနက်တည်ငြိမ်မှုလေးပါ ထပ်ကာနေသည်။ ကျွန်တော် ကြည်ညိုမဆုံးသော ကျေးလက်မြင်ကွင်းများ။ မြင်လိုသေးသော အေးချမ်းသည့်မျက်နှာများ။ မြို့ပြမှ လူများ၏မျက်နှာကို အဓိပ္ပာယ် မဖော်တတ်သောအခါ ကျေးလက်၏ ရိုးသားမှုဆိုတာကို လေးလေးနက်နက်ကြီး သဘောပေါက်လာတတ်ပါသည်။ အရိုင်းတော့ဆန်ပါသည်။ သို့သော် အရိုးခံနေသည်။ ဤသည်က ချစ်စရာ။

အဖွားကို ကျွန်တာ် အမှတ်အရဆုံးက မိုးရွာချိန်။ ကျွန်တော်ချက်မြုပ်ရာ အောင်သာကုန်းကျေးရွာမှာ တောင်ကုန်းပေါ်တွင် အိမ်ဆောက်ပြီးနေကြသည့် ရွာဖြစ်ကြောင်း ပြောခဲ့ဖူးသည်။ မိုးရွာလျှင် တောင်ကျရေများက စုစည်းလာကြပြီး မြေနိမ့်ရာတောင်ခြေဖက် စီးဆင်းလာကြသည်။ ထို့ကြောင့် မိုးရွာပြီးစတွင် လမ်းမပေါ်တွင် ချောင်းကလေးလို နာရီပိုင်းလောက် စီးနေတတ်သည်။ မြေနီကို ဖြတ်စီးလာသည့် ရေနီများ။ ကျွန်တော်တို့ အိမ်လေးမှာ တောင်ခြေတွင်ရှိသည့်အတွက် မိုးရွားပြီးချိန် စီးဆင်းလာသည့် နာရီပိုင်းသာခံသည့် တောင်ကျချောင်းလေးမှာ ကျွန်တော့် အိမ်ရှေ့ မှဖြတ်စီးသည်။ ထိုဖြတ်စီးသည့် ခဏ၌ အဖွားက ကျွန်တော်တို့ ကစားရန် သတင်းစာစက္ကူကို လှေ အဖြစ်ခေါက်ပေးသည်။ ကျွန်တော်တို့ ညီနောင်နှစ်ဦး တစ်ယောက် လှေတစ်စင်းစီ ကိုင်းပြီး လှေလွှတ်ပြိုင်ကြသည်။ တောင်ကျ ချောင်းလေးထဲ။ လှေကလေးနောက်ပြေးလိုက်ပြီးကြည့်ရသည်။ စက္ကူလှေက ရေစီးနည်းနည်းကြမ်းသည့် တောင်ကျချောင်းလေးထဲ ကြာကြာမခံပါ လှိုင်းတွေပုတ်လိုက်တော့ ဟိုစောင်း သည်စောင်းနှင့် ရေစိုပြီး နစ်တော့သည်။ စက္ကူလှေကလေးနစ်၍ ပျက်သွားလျှင် အဖွားဆီ အပြိုင်းပြေးပြီး စက္ကူလှေ အခေါက်ခိုင်းရပြန်သည်။ လှေ ၃ - ၄ ပွဲလောက်ပြိုင်ပြီးလျှင် တောင်ကျချောင်းလေး ရေအားနည်းသွားပါပြီး ချောင်းကလေးအဖြစ် မစီးတော့။ ရေစီးကြောင်းရာလေးသာရှိတော့သည်။ ထိုတောင်ကျချောင်းလေး မပျောက်မီ စက္ကူလှေ ကလေးနှင့် ကစားရသည်ကို လွမ်းလွမ်းဆွတ်ဆွတ်ရှိသည်။ ထိုအချိန်များသည် အဖွားဆုံးပြီးတော့ ကျွန်တော် အတမ်းတဆုံး။ မိုးသည်းသည်းရွာပြီးတိုင်း အဖွားနားကပ်ပြီး စက္ကူလှေ ခေါက်ခိုင်းကြသည်။ နောက်တော့ အဖွားသင်ပေးသည်။ အဖွားမသေခင် သင်ပေခဲ့သည့် အမှတ်တရ ကစားစရာ။ ကျွန်တော်ထင်ပါသည်။ ကျွန်တော့ သားသမီး၊ မြေးမြစ်များထိ ကျွန်တော်လည်း လက်ဆင့်ကမ်း သင်ပေးဖြစ်မည်ဖြစ်သည်။ စက္ကူလှေကလေးသည့် ကျွန်တော့ အတွက်တော့ သံယောဇဉ်၏ သင်္ကေတ တစ်ခု။ ယခု စာရေးနေရင်း ....... လူမှန်းပင်ကောင်းကောင်း မသိတတ်သေးသည့် အရွယ်က အဖွားလုပ်ပေးခဲ့သည့် စက္ကူလှေငယ်ငယ်လေးတွေကို ကျွန်တော့်စိတ်မျက်စိထဲ ရေနီတောင်ကျ ချောင်းလေးတစ်လျှောက် လှုပ်လှုပ်လဲ့လဲ့ဖြင့် ဝေ့ကာ ၀ိုက်ကာ တရွေ့ရွေ့ မျောပါဆင်းနေသည်ကို မြင်ယောင်နေမိရင်း ..... ဤ ပို့စ်ကို အဖွား အမှတ်တရအဖြစ် ရေးလိုက်ရပါသည်။
စက္ကူလှေလေးတစ်စင်း အဖွားအမှတ်တရအဖြစ် ပြန်ခေါက်ဖြစ်သည် ................. အဖွားသင်ပေးခဲ့သော စက္ကူလှေခေါက်နည်း