အမေ့ကို လွမ်းတယ်ဗျာ

အမေရေ ....

သားခု အလုပ်လုပ်နေတဲ့ စင်ကာပူဆိုတဲ့ နိုင်ငံမှာပေါ့။ မနက်မနက်ဆို စောစောထရတာကို တစ်ဒုက္ခလို့ ညည်းကြတယ်။ သားလည်း အပါအ၀င်ပါပဲ။ အမေ သိတဲ့အတိုင်း သားက နေမြင့်မှ အိပ်ယာ ထ တတ်တဲ့လူ။ စာကျက်တာတောင် ညည့်နက်ခံပြီးပဲ ကျက်တာ အမေလည်း သိသားနဲ့။ ဒါပေမယ့် တစ်ခုတော့ကြိုက်တယ် အမေ။ ဒါဟာ သားကို လေ့ကျင့်ပေးလိုက်တာပါပဲ။ ဘ၀မှာ အရေးကြီးတာ တစ်ခုကိုပေါ့။ နေမြင့်မှ ထတဲ့ သူဟာ ဘ၀မှာ အောင်မြင်မှုကောင်းကောင်းရဖို့ ခြေတစ်လှမ်း အမြဲ နောက်ကျနေဖို့က သေချာနေတယ်လေ။ ဒါကြောင့် သားကတော့ စောစော ထအောင် မောင်းတတ်တဲ့ ဒီက ဓလေ့ကိုပဲ မုန်းမုန်းနဲ့ ကျေးဇူးတင်တယ် အမေရေ။ စောစော ထတတ်လာတဲ့ သားကို အမေ ချီးကျူးမလား မသိဘူးနော်။ ဒါပေမယ့် အမေရေ အမေ့ အိမ်ရောက်ရင်တော့ နေဖင်ထိုး အောင် အိပ်ပလိုက်မယ်လို့ စိတ်ထဲက တိတ်တိတ်လေး ကြိမ်းဝါး နေတုန်းပဲ အမေရေ ..

အမေ ... အမေသိတဲ့အတိုင်း

မီးမှန်လွန်းတဲ့ စင်ကာပူကို တခါတခါ စိတ်ပျက်တယ် အမေ။ ဘာကြောင့်လဲဆိုတော့ သားက အိပ်တဲ့အခါ အကုန်မှောင်နေမှ သဘောကျတာ။ ခုတော့ဗျာ စုပေါင်းနေကြတဲ့ အိမ်ဆိုတော့။ ကိုယ်က မီးပိတ်လည်း မပိတ်တဲ့ သူကရှိတာကိုး။ တစ်နေရာရာကနေ မီးအလင်းရောင်တော့ ၀င်ဝင်နေတာပဲ။ မီးလုံးလုံး မဲ့တဲ့ညတော့ ဒီတစ်သက် ဒီမှာနေရင် ကြုံမယ်တောင် မထင်ဘူး အမေရေ ဒီတစ်ခုတော့ စိတ်ပျက်တယ် တကယ်ပါပဲ။

စင်ကာပူရေရှားသတဲ့ဗျာ 

သားတော့ ယုံပါဘူး။ ဘယ်အချိန် ရေပိုက်ခေါင်းပြေးဖွင့်ဖွင့် လာနေတာ ပိုက်အပြည်ပဲ။ အနည်အနစ်လည်း မတွေ့မိပါဘူး။ အင်းဒါပေမယ့်ပေါ့လေ သားမကြိုက်တာ တစ်ခုက ရွာပြန်ရင် ချေးကြောင်ချင်နေတတ်တဲ့ သားပါးစပ်ကိုပဲ။ သားတော့ ကိုယ်ဟာကိုယ်ပဲ ဆွဲပြီးရိုက်လိုက်ချင်ပါရဲ့။ ချောင်းရေ သောက် မြောင်းရေ သောက်ပြီး ကြီးလာတဲ့ ကျွန်တော်တို့က ရေသန့်ဗူးသောက်မှပဲ အသက်ရှည်ရောဂါကင်းရတော့မလားဗျာ။ သားဖာသာလည်း သားရှက်မိပါရဲ့။

မေမေရေ ....

ဘာမှ မစိုက်မပျိူးဘဲ အစားကောင်းတွေ ပေါလွန်းတဲ့ စင်ကာပူကို နာလိုဘူးဗျာ။ "မိမိ စိုက်ပျိုးတဲ့အတိုင်း မိမိရိတ်သိမ်းရလိမ့်မည်" ဆိုတဲ့ ကမ္ဘာကျော်စကားရှိသဗျ။ စင်ကာပူသားတွေ ဘာတွေများစိုက်ခဲ့လိုလဲဗျာ။ အင်းမှန်တော့မှန်ပါတယ်လေ။ ပြောခဲ့တဲ့သူက "မိမိစိုက်ပျိုးခဲ့တဲ့ အတိုင်း မိမိ စားရမယ်" လို့မှ မပြောထားတာ။ သားတို့တော့ စိုက်လိုက် ပျိုးလိုက်ရတာ အမေသိတဲ့ အတိုင်း။ ခြံဝိုက်ရ၊ နွားကျောင်းရ၊ ပျိုးကြဲရ၊ ကောက်စိုက်ရ အို ..... စုံလို့ ... စုံလို့။

စပါးသိမ်းချိန်ထိ လုပ်လိုက်ရတဲ့ အလုပ် အင်း ထမင်းနပ်မှန် ရုံပဲ အမေ မုန့်ပဲ သွားရည်စာတောင် အမြဲ လုပ်မစားနိုင်ဘူး။ ဒီမှာတော့ဗျာ အလုပ်ဆင်းတဲ့ အချိန်မှာ စားစားနေကြတာ။ အသီးတွေရော၊ ဖျော်ရည်တွေရော၊ အိ်ု ....... စုံလို့ .... စုံလို့ ။ စုံလို့ ပါပဲ အမေရေ အဲတာကြောင့် သားပြောတာပေါ့။ သား စင်ကာပူကို လာတာ မှားတယ်လို့။ မဟုတ်ရင် ဒါတွေ သိမှာ မဟုတ်ဘူး။ အေးအေးဆေးဆေး လမ်းဘေးမှာ ရောင်းတဲ့ ရေခဲရည်ကို ပိုက်ဆံလေး ကပ်တဲ့အခါ အဆာပြေ အဲလေ အာသာပြေလေး ဝယ်သောက်တာပေါ့။

အမေသိမလား မသိဘူး

သားတို့ ဆီမှာ ရေခဲသေတ္တာဆိုတာ သူဋ္ဌေးတွေ၊ ပြေလည်သူတွေမှ သုံးတဲ့ ပစ္စည်းလေ။ ဒီမှာက အိမ်တိုင်းရှိသဗျာ။ စင်ကာပူမှာ လူတိုင်း သူဋ္ဌေးတွေ ချည်းလာမသိပါဘူး။ အဝတ်လျော်စက်ဆိုတာကလည်း အိမ်တိုင်းပဲဗျာ။ ခုထိ လက်ရေပွအောင် လျော်လျော်နေရတဲ့ အမေ့အတွက် ၀ယ်ပေးချင်လိုက်တာ။ ဒါပေမယ့်ဗျာ ... မီးမလာလို့ အမေစိတ်ညစ်မှာ စိုးတာနဲ့ စိတ်လျော့လိုက်တယ် အမေ။ သား အမေ့ကို ချစ်ပါတယ်။ မီးမလိုပဲ လျော်နိုင်တဲ့ အမေ့အတွက် ချွေးမတစ်ယောက် ယူလိုက်တာပဲ အသင့်တော်ဆုံး ဖြစ်မယ်ထင်ပါရဲ့ အမေရယ်။ အမေသဘောတူပါ့မလားနော် ။