ကျွန်တော်နှင့် တောတွင်းကာလများ (၁)

ကျွန်တော့်ကို မွေးဖွားရာ အောင်သာကုန်းကျေးရွာလေးသည်။ ချုံပုတ်ငယ်များဝိုင်းရံလျှက် တောနှင့် တစပ်တည်းရှိသော ရွာကလေး။ ကျွန်တော့်ကို မွေးခဲ့သည် ဆိုသော အမေဖက်မှ အဖိုးတို့ အိမ်သည် တောင်ကုန်းပေါ်မှာ။ ရေရှားသည်ဟု ဆိုရမည်။ ရေကို တစ်မိုင်လောက်ဝေးသည့် ရေတွင်းသို့သွားခပ်ရသည်။ ထိုတွင်းတွင် ရေမချိုးကြ။ သောက်ရေအဖြစ်သာသုံးသည်။ ကျွန်တော်မှတ်မိသမျှ ပြောရလျှင် တစ်ရွာလုံးမှ ရေတွင်း ၅ တွင်းသာရှိသည်။ လူများက တောင်ကုန်းထိပ်များပေါ်တွင် နေကြသောကြောင့် ရေလိုလျှင် ချိုင့်ရှိရာ ဆင်းခပ်ရသည်။ နွေရာသီတွင် ရေရှားပါက ချောင်းထဲတွင် သဲရေတွင်းတူးပြီးရေခပ်ကြသည်။ ရေအိုးကို ခေါင်းရွက်သယ်ကြခြင်းမဟုတ်ပါ။ သံချောင်ပုံးကို ရှေ့တစ်ပုံး၊ နောက်တစ်ပုံး ၀ါးထမ်းပိုးဖြင့် ထမ်းခြင်းဖြစ်သည်။ အိမ်မှ ရေချိုးသွားကြလျှင် သံချောင်ပုံနှစ်လုံးနှင့် ထမ်းပိုးတစ်ချောင်းသယ်သွားသည်။ ပြန်လာလျှင် ရေထမ်းပြန်လာသည်။ အိမ်မှ လူ ၅ ယောက် ရေချိုးသွားလျှင် ရေ ၁၀ ပုံ အိမ်ရောက်သည်။ ထိုစနစ်။ ကလေးများတော့ မပါပါ။ များသောအားဖြင့် အရွယ်ရောက် အမျိုးသမီးများ ထမ်းလေ့ရှိပါသည်။

Location of Banmauk

Publish at Scribd or explore others:

ရွာဖြစ်လာပုံမှာ ကျွန်တော်တို့ဖက်မှ ဓလေ့အရပြောရလျှင် လူတစ်စု မြေပြန့်ရှိရာတွင် လယ်လုပ်မည်။ လယ်လုပ်ရန် မသင့်လျှော်သည့် ကုန်းကမူပေါ်တွင် တဲဆောက်၍ လူနေသည်။ "လယ်ရှိလျှင် ရှမ်းရှိသည် " ဟူသော စကားပုံကို အမှတ်ရသည်။ အောင်သာကုန်း ဟူသောရွာမှာ လယ်လုပ်သူ ရှမ်းတောင်သူတို့ လယ်လုပ်ရင်း စုပေါင်းနေထိုင်ရာမှ ဖြစ်လာပုံရသည်။ လူနေအိမ်ခြေအားလုံး တောင်ကုန်းလေးများပေါ်မှာ။ ရွာမဟု ခေါ်ရမည့် ကျွန်တော့် အဖေဖက်မှ အဖိုးတို့ နေထိုင်ရာ နေရာသာ မြေပြန့်သည်။ လယ်မြေထက်တော့မြင့်သည်။ လယ်စိုက်နိုင်သော မြေပြန့်တွင် အိမ်ဆောက်လေ့မရှိကြ။ မြေပြန်ကျယ်သောကြောင့် လယ်တည်ရန်ကောင်းသည့်အတွက် လူများ စုစည်းနေထိုင်လာကြမည်။ ပထမတွင် လူခြေနည်းသောကြောင့် တောကြီးမျက်မည်းထဲ ရှိသည့် အိမ်လေး ၄ - ၅ - ၆ အိမ်လောက် မလှမ်း မကမ်းတွင် နေကြမည်။ ခုထိ ထိုရပ်ကွက် အိမ်ခြေများမှာ လေးထောင့်မကျပါ။ မိမိခုတ်ထွင်ရှင်းလင်းရာ မိမိပိုင်သည့်အတွက် အိမ်ယာမြေကွက် များမှာ အတော်ကြီး ကျယ်ပါသည်။ အဖိုးတို့ အိမ်ဆိုလျှင် ၁ ဧကလောက်ကျယ်မည်။ သီးပင်၊ စားပင်များရှိသည်။ အိမ်တွင် လိုရာသုံးရန် အဖိုးစိုက်ထားသော ၀ါးနက်ဝါးရုံ တစ်ရုံရှိသည်။ ၀ါးနက်ဝါးမှာ အလွန်မာပြီး ခိုင်သည်။ ထမ်းပိုး စသည့် အိမ်အသုံး အဆောင် လုပ်ရန် အလွန်ကောင်းသည့် ၀ါးဖြစ်သည်။ သက်တမ်းရင့်သည့် ၀ါးသည်။ ၀ါးအသားတွင် အနီရောင် သမ်းနေပြီး ဓားနှင့်ခုတ်လျှင်ပင် သံကို ခုတ်သည့် အသံလိုမြည်နေသည်။ ၀ါးပင်က ပေ ၆၀ လောက်တော့ မြင့်သည်။ လုံးပတ် ၁ ပေ ကျော်ကျော်ရှိမည်။ ကျွန်တော်တို့ ငယ်ငယ်က ဓားတိုက်တမ်း ကစားလျှင် ၀ါး ၂ ဆစ်လောက်ဖြတ်ပြီး တစ်ဆစ်ကို ဓားသွားထားကာ၊ နောက်တစ်ဆစ်ကို ဓားရိုးနေရာထား၍ ပိုသည့် ၀ါးကို ဖြတ်ပြစ်ရသည်။ ၀ါးကြောဓားမှာ အလွန်မာပြီး အလွန်ထက်သည့် အတွက် ကစားရာတွင် ထိမိ ရှမိမည်စိုးရိမ်ရသောကြောင့် ဓားဖြင့် ပြန်ပြီး အချောသပ်ထားသည်က ကောင်းပါသည်။

ဝါးအကြောင်းရေးနေရင်း ၀ါးနှင့် လုပ်လေ့ရှိသော ကျွန်တော်တို့ ဖက်မှ ဓလေ့များကို ပြောပြချင်သည်။ အကြောင်းအရာများ ဟိုရောက် သည်ရောက်တော့ ဖြစ်မည်။ ဒါကလည်း စကားဝိုင်းပုံစံ။ အမှတ်ရတာ ပြောချင်တာကို ပြောလိုက်သည်။ တောင်စဉ်ရေမရတော့ မဟုတ်ပါ။ ကျွန်တော်တို့ ဖက်မှ ဓလေ့များ စာတွင် မှတ်တမ်းတင်သူလည်းမရှိပါ။ စာရေးဆရာလည်းမရှိပါ။ ကြာလျှင် ဓလေ့လည်းပျောက် စာလည်းပျောက်ကာ ဘာမှ ကျန်မည်မဟုတ်ပါ။ ကျွန်တော် အမှတ်ရတုန်း ပြောထားတော့ ဘလော့ပေါ်တော့ ကျန်ခဲ့ပါလိမ်မည်။ ထို့ကြောင့် ရောက်တတ်ရာရာ ဟုဆိုလျှင် ပိုမှန်မည်။

ကျွန်တော့်အဖိုး ကျွန်တော့်ကို သင်ပေးသည့် ခရာလုပ်နည်းကို အမှတ်ရသည်။ သည်အကြောင်းတွေ ပြောလျှင် ပုံဆွဲဖို့လိုပြီ။ စာဖြင့်ရေး၍ နားလည်အောင်ရှင်းရသည်ထက်၊ ပုံဆွဲ၍ ရှင်းလိုက်လျှင် မျက်စိထဲ မြင်လွယ်ကာ ပိုရှင်းသွားမည်ဖြစ်သည်။ ထိုခရာကို ငါးဖမ်းရာတွင် သုံးပါသည်။ မြုံးမဟုတ်ပါ။ မြုံးက အသည်း ဟုခေါ်သည့် တစ်လမ်းသွား စနစ်ပါသည်။ ခရာက ဆည်မှ ရေစီးဆင်းရာအပေါက်ကလေးများတွင် ထောင်သည်။ အရှိန်ဖြင့် ကျနေသော ရေတွင် ခရာကို ခပ်စောက်စောက်လေး ထိုးထည့်ကာ ထောင်ထားရသည်။ ရေစီးနှင့် အတူ ပါလာသည့် ငါးများကို မိသည်။ ရေစီးအရှိန်နှင့် ပြန်မထွက်နိုင်အောင် ဖန်တီးထားခြင်းဖြစ်သည်။ နောက်တစ်မျိုးက ယက်သဲ့ ချုံခိုနေသည့် ငါးများ၊ ပုစွန်ဆိတ်ကလေးများကို သဲ့ယူရာတွင် သုံးသည် အ၀ကားကား ကန်တော့ပုံစံဖြစ်သည်။ နောက်မြုံး။ မြုံးကတော့ ကြားဖူးကြမည်။ နောက် ယင်းလိပ်။ အားလုံး ပုံဆွဲပြမည်။ ဗဟုသုတတော့ ဖြစ်ပေမည်။ ပလိုင်း၊ ၀ါးပပ်ခမောက်၊ ရုံးခမောက်၊ ဖျာကြမ်း၊ နှီးချောဖျာ၊ စကော၊ ဇကာ၊ ဇကာခုံး၊ ယပ်တောင်၊ ကြမ်းခင်း၊ ၀ါးထရံ၊ ၀ါးကပ်မိုး၊ ၀ါးခြံစည်းရိုး စသည် စသည် အမျိုးအမည်စုံသည်။

xxxx

ခရာ

xxxx

မြုံး

xxxx

ယက်သဲ့

xxxx

ပလိုင်း

xxxx

ဝါးပပ်ခမောက်

xxxx

ရုံးခမောက်

xxxx

ဖျာကြမ်း

xxxx

နှီးချောဖျာ

xxxx

စကော

xxxxx

စကာ

xxxx

စကာခုံး

xxxx

ယပ်တောင်

xxxx

ကြမ်းခင်း

xxxx

ဝါးထရံ

xxxxx

ဝါးကပ်မိုး

xxxxxx

ဝါးခြံစည်းရိုး