ထောင်ထဲမှ ၅ ဘာသာဂုဏ်ထူးရှင်

စင်ကာပူနိုင်ငံမှ ဆီအန်း (နာမည်ရင်းမဟုတ်)သည် အခြား O-level အဆင့်ကျောင်းသူ/သားများကဲ့သို့ပင် သူ၏ အားလပ်ချိန်များ၌ သူ၏သူငယ်ချင်းများနှင့်အတူ ကျောင်းစာများကို လေ့လာကျက်မှတ်သူ တစ်ဦးဖြစ်သည်။ သို့သော် သူနှင့် သူ့သူငယ်ချင်းများမှာ ပုံမှန်ကျောင်းသူ/သားများမဟုတ်ကြပါ။ အကျဉ်းထောင်တွင် ထောင်ကျနေသည့် ထောင်သာများဖြစ်သည်။ ထောင်မှဖွင့်ပေးသော Kaki Bukit Centre ရှိကျောင်းလေးတွင် ကျောင်းတက်ကြရသူများဖြစ်သည်။ အသက် ၂၇ နှစ်အရွယ်ကြိုးစားသူ အီဆန်သည် မနှစ်က အတော်ဆုံး ကျောင်းသား ၂ ဦးထဲမှ တစ်ဦးလည်းဖြစ်သည်။ ယခုနှစ်တွင် English, Combined Humanities, Combined Science, Elementary Mathematics and Principles of Accounts တို့တွင် ဂုဏ်ထူးရသည်။ ထောင်ကျသူလူငယ်များသည် ထောင်ထဲရှိနေစဉ်အတွင်း အချိန်ကို အလဟသ မဖြစ်စေဘဲ ထောင်မှလွတ်လာလျှင် ကောလိပ်ဆက်တက်နိုင်ရန်အတွက် O-level စာမေးပွဲဝင်ဖြေကြသည်။ ယခုနှစ်စာဖြေသူ ၁၂၇ ယောက်တွင် ၉၉ ယောက်အောင်သည်။ အောင်ချက်ရာခိုင်နှုန်း ၇၈ ရာခိုင်နှုန်းဖြစ်သည်။

ဆီအန်းကို ၂၀၀၆ ခုနှစ်တွင် မူးယစ်ဆေးဝါးမှုဖြင့် ထောင်ထဲထည့်ခဲ့သည်။ ထောင်ထဲတွင် ထောင်သား အယောက် ၅၀၊ ၆၀ လောက်သည် တည်ငြိမ်သည့် အသက်မွေးဝမ်းကျောင်းအလုပ်အကိုင် မယ်မယ်ရရမရှိသည့်အတွက် ထောင်ထဲ ပြန်ရောက်ရောက်လာကြသည်ကို သူတွေ့ရသောအခါ အလုပ်အကိုင်ရရှိရေးအတွက် စာသင်လိုစိတ်ပြင်းပြလာခဲ့သည်။

“သူတို့ဘာကြောင့် ဒီလိုဖြစ်ရတယ်ဆိုတာ ကျွန်တော် သဘောပေါက်တယ်။ ကျွန်တော်သူတို့လိုမဖြစ်ချင်ဘူး။ ကျွန်တော့မှာ အရည်အချင်းမရှိရင် ကျွန်တော့်အတွက်ရော၊ ကျွန်တော့မိသားစုအတွက်ပါ ထောက်ပံ့နိုင်မယ့် အလုပ်ကောင်းကောင်းရမှာ မဟုတ်ဘူး။” ဟု ဆီအန်းကပြောသည်။
ဆီအန်းသည် Bukit View Secondary ကျောင်းတက်စဉ် Secondary 3 တွင် ကျရှူံးခဲ့ဖူးသည်။ သူထောင်ထဲမရောက်မီ Night Club တစ်ခုတွင် Floor Supervisor အဖြစ်လုပ်ဖူးသည်။ သူသည် ယခုနှစ် ဇူလိုင်လတွင် ထောင်မှ လွှတ်မည်ဖြစ်သည်။ ထောင်မှလွှတ်လျှင် Temasek Polytechnic တွင် ဟိုတယ်နှင့်သက်ဆိုင်သည့် ဘာသာရပ်တစ်ခုကို ဆက်လက်သင်ယူမည်ဖြစ်ပြီး နှောင်တွင် ဟိုတယ်၌ အလုပ်လုပ်ရန် ရည်မှန်းထားသည်။

"ထောင်ထဲမှာနေရတာ စည်းကမ်းတင်းကျပ်လွန်းတော့ ထောင်ကျတော်တော်များများဟာ ဘ၀ကို လက်မြောက်အရှုံးပေးသွားကြတယ်။ သည်းခံပြီး အပတ်တကုတ်ကြိုးစားကြဖို့ ကျွန်တော်ပြောချင်တယ်။ ထောင်ထဲမှာ အချိန်မဖြုန်းဘဲ ထောင်ကပြန်လွတ်တဲ့အခါ အပြင်မှာ စည်းနဲ့ကမ်းနဲ့ ဘယ်လိုနေထိုင်လုပ်ကိုင်စားသောက်ကြမယ်ဆိုတာကို ဆည်းပူးလေ့လာကြမယ်ဆို သူတို့အတွက် ကောင်းကျိုးဖြစ်စေပါလိမ့်မယ်။” ဟုလည်း ဆီအန်းကပြောပါသည်။