သျှမ်းနှစ်သစ် ၂၁၀၅ နှစ်သစ်ကူးပွဲ (စင်ကာပူ) အမှတ်တရပုံရိပ်များ

မနှစ်က ဆင်နွဲခဲ့သော သျှမ်းနှစ်သစ်ကူး

အင်းတော်မြို့မှ အမှတ်တရ နေ့ရက်များ (၁၁)

"စွန်တွေလွှတ်ကြတဲ့ ကလေးဘဝ၊ ကိုယ်လေ ကြိုးပြတ်လို့ ရှုံးတော့၊ ရယ်ရယ် မောမော နဲ့ ပြောဖူးခဲ့တဲ့ စကား မှတ်မိသေးတယ် ...." 

ဆရာစိုင်းခမ်းလိတ်၏ သီချင်းစာသား ... သီချင်းသံကို သေချာ ကျွန်တော် မကြားဖူးခဲ့။ ဒါပေမယ့် ထိုစာသားလေးကို ကျွန်တော် မှတ်မှတ်ရရကြီး ဖြစ်နေသည်။ ပြီးတော့ ထို နေရာစာသားလေးကို ခဏခဏ ဆိုမိသည်။ ငယ်ငယ်စွန်လွှတ်သည့် ဘဝကို အမှတ်ရလို့ ဖြစ်ချေမည်။

အင်းတော်မြို့တွင် ကျွန်တော် စွန်လွှတ်ခဲ့ဖူးသည်။ အင်းတော်မြို့သည် ကျွန်တော့ကို များစွာပျိုးထောင် တည်ဆောက်ပေးခဲ့သော မြို့ဖြစ်သည်။ မွေးရပ်မြေ မဟုတ်သော်လည်း မွေးရပ်မြေလို့ ကျွန်တော်ချစ်သည်။ ကျွန်တော်ချစ်သည့် ငယ်သူငယ်ချင်းများလည်း အင်းတော်မှာ၊ ကျွန်တော့်ကျေးဇူးရှင် ဆရာ၊ ဆရာမ များလည်း အင်းတော်မှာ၊ ကျွန်တော့်ကျေးဇူးရှင် ဘကြီးနှင့်ကြီးကြီးတို့ မိသားစုလည်း အင်းတော်မှာ။ 

အင်းတော်တွင် ကျောင်းနေခွင့်ရသော ကျွန်တော် ကံကောင်းခဲ့သည် ဟုဆိုရမည်။ ကျွန်တော့်ဘကြီးက ကစားတာကို သိပ်မချုပ်ချယ်၊ ကျွန်တော့်အဖေဆိုလျှင် ခွင့်ပြုမည် မဟုတ်သော ကစားခုန်စားများကို လွှတ်လပ်စွာ ကစားခွင့်ပေးသည်။ လောင်းကစားလုပ်ခွင့် လုံးဝမပေး။ စစ်တုရင်၊ ကျား၊ လက်တောက်ခုံ စုံအောင် ကစားခွင့်ပေးသည်။ ငွေကြးနှင့်တော့ လုံးဝ လုပ်ခွင့်မပြု။ ငွေနှင့် ကြေးနှင့် ကစားသည် ကြားလျှင် ဆူသည်။ ကျွန်တော့ဘကြီး ကျွန်တော့ကို ၂ ခါ ဆူဖူးသည်။ အင်းတော်တွင် နေခဲ့သော ၁၀ နှစ်ကျော် ကာလတွင် ကျွန်တော့ဘကြီး ကျွန်တော့ကို ၂ ခါသာ ဆူဖူးသည်။ ကံကောင်းလိုက်သည့် ကျွန်တော်ဟု ဆိုရမည်။ ကျွန်တော့ညီငယ် ကတော့ ဗန်းမောက်တွင် ကျောင်းနေရသည်။ သူသည် အဖေ့ အုပ်ထိန်းမှုအောက် တွင်နေရသည်။ အဖေ့ အုပ်ထိန်းမှုသည် အလွန်တင်းကြပ်သည်ဟု ဆိုရမည် ထင်သည်။ အဖေသည် ဘောလုံးကန်၊ ခြင်းခတ် စသည့် ကစားခုန်စားများကို ကစားခွင့် မပေးတတ်။ တွေ့လျှင် ဆူသည်။ ရိုက်တတ်သည်။ ထို့ကြောင့်ပင် ကျွန်တော့ညီငယ် ထူးချွန်သင့်ပါလျက် မထူးချွန်ခဲ့ခြင်းဖြစ်မည် ထင်ပါသည်။ ကလေးဘဝတွင် ကစားတာကို၊ ဝါသနာ ပါတာကို ကောင်းကောင်းလုပ်ခွင့် ပြုသင့်သည်ဟု ကျွန်တော်ထင်သည်။

အင်းတော်တွင် ကျွန်တော်နှင့် အတူ လာနေသည့် ၂ နှစ်အတွင်း အတန်းတွင် ထိပ်သီး ပြေးလာသော ကျွန်တော့ ညီငယ်ကို ကျွန်တော် အမှတ် ရလာသည်။ စာမေးပွဲဖြေရာတွင် ကျွန်တော်လမ်းညွှန်းသည့်အတိုင်း ကျက်ခဲ့ပြီး သူအမှတ်ကောင်းများရလာတော့။ အားတက်လာပြီး ကျွန်တော့ကို ခဏခဏ ပြောပြောပြသည်ကို ကျွန်တော် အမှတ်ရမိသည်။ ကျွန်တော့ညီငယ်သည် ကျွန်တော့ကို သိပ်ချစ်သူ ဖြစ်သည်။ ကျွန်တော့ထက် ဗလကောင်းပြီး ကြံ့ခိုင်သော ကျွန်တော့ညီသည် ကျွန်တော့ကို နာအောင် ဘယ်တော့မှ ပြန်လုပ်သည် မရှိခဲ့ဖူးပေ။ စာရေးရင်းပင် ကျွန်တော့ ညီလေးကို လွမ်းမိသည်။ သူနှင့် ကျွန်တော်သည် အမွှာလို ကြီးပြင်းလာခဲ့ကြသည့် ညီအစ်ကို ဖြစ်သည်။ သူသည် သူငယ်ချင်း၊ သူသည်ညီငယ်။ လည်ပင်းဖက်ပြီး တူတူကစားကြသည့် ကစားဖော်ဖြစ်သည်။

စွန်အကြောင်းဆက်ဦးမည်။ အင်းတော်တွင် စွန်ကို ကျွန်တော်တို့က လေတံခွန်ဟု အခေါ်များသည်။ စွန်လွှတ်သည် ဟု သိပ်မပြော လေတံခွန် လွှတ်သည်ဟု သာ ပြောကြပါသည်။ ကျွန်တော် လေတံခွန် လွှတ်စက အမြီးရှည်ကြီးပါသော လေတံခွန် မျိုးကိုသာ လွှတ်တတ်သည်။ 

ထိုအမြီးရှည် လေတံခွန်က လွှတ်ရတာ လွယ်သည်။ ကြာရှည် လွှတ်လျှင်တော့ ပျင်းစရာကောင်းလာသည်။ အမြီးရှည်လေတံခွန်က လေအားပြင်းလာလျှင်သော်လည်းကောင်း၊ ဆွဲပြီး ပြေးလျှင်သော်လည်းကောင်း မြင့်မြင့်တက်လာသည်။ လေအားလျော့၊ ပြေးအားပျော့လျှင် အောက်ပြန်

ကျလာသည်။ စိတ်သိပ်ဝင်စားစရာ မကောင်းလှပေ။ ပြီးတော့ အပ်ချည်လုံးကလေးကို တုတ်တွင် တပ်ပြီး လွှတ်တာ များသည်။ နို့ဆီဗူးခွံတွင် ရစ်ပြီးလည်း လွှတ်ခဲ့ဖူးသည်။

အင်းတော်တွင် လေတံခွန် လွှတ်ချိန်မှာ မြောက်ပြန်လေလာသော ဆောင်းတွင်း ဖြစ်သည်။ မိုးကင်းပြီး လေမှန်သောကာလ ဖြစ်သည်။ လေတံခွန် လွှတ်ချိန် ရောက်လျှင်ကျွန်တော် အပ်ချည်လုံးကောင်းကောင်းဝယ်သည်။ လေတံခွန် တစ်စင်းဝယ်၊ အမြီးရှည်ရှည်တပ်ပြီး ညနေ လေပြင်းပြင်းတွင် လွှတ်တော့သည်။ လေအားကလည်းကောင်းကောင်း၊ လေတံခွန်က ကောင်းကင်ထဲ တစ်ရိပ်ရိပ် တက်အလာ၊ လေတံခွန်ကို ဟိုးအမြင့်ကြီးထိ လွှတ်လိုသော စိတ်က အားကြီးလာသောကြောင့် အပိုဆောင်ထားသော အပ်ချည်လုံးကို အသင့်ပြင်ထားသည်။ ပထမ အပ်ချည်လုံး ဆုံးလျှင်၊ ဒုတိယ အပ်ချည်လုံးဖြင့် ဆက်ပြီး လွှတ်ရန် ဖြစ်သည်။ ကျွန်တော် ခဏခဏကြိုးစားခဲ့ဖူးသည်။ အပ်ချည်စ ၂  ပင် အောင်မြင်စွာ ဆက်ပြီး လွှတ်လိုက် နိုင်သည် မရှိခဲ့ဖူးပေ။

လေတံခွန်က မြင့်လေ၊ တက်အားကောင်းလာလေ။ အပ်ချည်လုံးကလေးက မွတ်မွတ်လည်ကာ အပ်ချည်ကြိုးကို ဖြေလျော့ပေးလေ ဖြစ်လာသည်။ အပ်ချည်လုံးလေး တဖြည်းဖြည်း သေးသေးပြီးလာသည်။ ဆုံးကာနီ အပီကိုင်ပြီး နောက်တစ်လုံး နှင့် ဆက်ရန် ကျွန်တော်က အသင့်စောင့်နေသည်။ သို့သော် မဆက်လိုက်က ကြိုးဆုံးကာနီ၊ နည်းနည်းအလိုမှာ အပ်ချည်ကြိုးစကို လုံးဝ မဖမ်းနိုင်တော့၊ စက္ကန့် ပိုင်းအတွင်း ဖြတ်ကနဲ ကြိုးကုန် သွားပြီး လေတံခွန်ဆွဲရာ ကြိုးပါသွားတော့သည်။ အပ်ချည် က လေတံခွန်နှင့် ပါသွားပြီး မြေပြင်တစ်လျောက် တရှောရှောနှင့် လေတံခွန်ဆွဲရာ လိုက်သွားတော့သည်။ ကျွန်တော်ကလည်း ပြန်ရလို ရငြား လိုက်ဖမ်းသည်။ မြေပြင်တွင်  တရိပ်ရိပ်ပြေးနေသော အပ်ချည်ကြိုးကို မြင်အောင်ကြည့်ရင်း အပြေးလိုက်သည်။ ခြေဖြင့် အပ်ချည်ကို ဖိနင်းသည်။ ကုန်ကောက်ဖို့ အချိန်က မလောက်။ အ ပြေးလိုက်ရင်း မီလု မီခင်။ ဆွဲဖမ်းလိုက်၊ လွှတ်သွားလိုက်၊ ပြေးလိုက် လိုက် နှင့် လူလည်း ဖတ်ဖတ်ကို မောသည်။ နောက်ဆုံး လေတံခွန်မှာ သစ်ပင်ကိုင်းဖျားတွင် ညှိလျှင်ညှိ၊ ဓာတ်တိုင်တွင် ညှိလျှင်ညှိ။ တစ်ခုခု နှင့် ညှိမှ အဆုံးသတ်တော့သည်။ သို့သော် လေတံခွန်ကို ပြန်မရနိုင်တော့ သည်က များသည်။ ကျွန်တော် အလှမ်းမမီသော သစ်ပင် ထိပ်ဖျားတွင်သော်လည်းကောင်း၊ ဓာတ်မီးကြိုးပေါ်တွင်းသော် လည်းကောင်း ကျွန်တော့ လေတံခွန်လေးများ နိတ္ထိတံသွားကြသည်က များသည်။ အပ်ချည်ကြိုးလည်း ဟိုဟိုဒီဒီ ညှိပြီး ရှုပ်ထွေးကုန်သည်။ ရသလောက် ပြန်ရစ်ပြီး နောက်လေတံခွန်တစ်ခု အတွက် သိမ်းထားရသည်။ နောက်ဆုံးမှာတော့ လေတံခွန်လွှတ်လျှင် အပ်ချည် ဆက်ထုံးလေးများ များသထက် များလာတော့သည်။ ကြိုးဟောင်းလာလျှင်လည်း သိပ်မခိုင်တော့ လွှတ်နေတုန်း ဖြုန်းကနဲ ပြတ်လျှင်လည်း ပြတ်သည်။ ထို့ကြောင့် သိပ်မကြာမီ အပ်ချည်လုံး အသစ်ကလေး ပြန်ဝယ်ရပြန်သည်က များသည်။ ကျောင်းမုန့်ဖိုးလေးလည်း အပ်ချည်လုံးကလေး ဖြစ်ကုန်သည်က များသည်။ အင်းတောင်ဆောင်းရာသီတွင် လေတံခွန်ကိုက်၍ မုန့်ငတ်ဖူးသော ကလေးငယ်တို့တွင် ကျွန်တော်လည်း ခေတ်မီစွာ ပါခဲ့ ဖူးပေသည်။

အမြီးတိုလေတံခွန်ကိုတော့ ထိုကဲ့သို့ အပ်ချည်လုံးလေး နှင့် လွှတ်၍ မရတော့ပါ။ သူ့ကို လွှတ်ရသည်က နည်းနည်း ပညာသားပါလာသည်။  အ မြီးတိုလေတံခွန် အကြောင်းကို နောက်တစ်ပိုင်းမှ ဆက်ရေးတော့မည်။

လေးစားစွာဖိတ်ကြားအပ်ပါသည်

ကျွန်တော်ဒီနေ့ည Email ဖွင့်စစ်တော့

“လေးစားစွာဖိတ်ကြားအပ်ပါသည်” ဟူသော Email တစ်စောင်ကို Inbox ထဲတွင် တွေ့လိုက်ရသည်။ ထို့ကြောင့် ဘာဖိတ်စာများလဲ ဟူသော သိလိုစိတ်ဖြင့် ဖွင့်ဖတ်မိတော့သည်။

လူကြီးမင်းခင်ဗျာ …

          လွန်ခဲ့သော နှစ်ပေါင်း ၁၀၀၀ ကျော်က မြန်မာနိုင်ငံတွင် အခြေချနေထိုင်ခဲ့ကြသော ရှေးဟောင်း ပျူနိုင်ငံမှ ပျူလူမျိုးများ၏  ရိုးရာယဉ်ကျေးမှုပြပွဲကို တက်ရောက်ချီးမြှင့်ပေးပါရန် လေးစားစွာ ဖိတ်ကြားအပ်ပါသည်။

နေရာ။  ။ Kreta Ayer People’s Theatre, Singapore

ရက်စွဲ။  ။ ၁၂ နိုဝင်ဘာ ၂၀၁၁

အချိန်။  ။ ညနေ ၅ မှ ည ၁၀ နာရီထိ

စာကိုဖတ်ပြီး ကျွန်တော် ရှော့ဖြစ်သွားသည်။ ကျွန်တော်တို့ စာတွင် သင်ခဲ့ရသော ပျူ၊ သက်၊ ခမီ၊ ကမ်းယံ ဟူသော ရှေးဦး မြန်မာနိုင်ငံသားများဖြစ်သည့် ကျွန်တော်တို့ ဘိုးဘွားဘီဘင်များဖြစ်သည့်  ပျူဆိုတဲ့ လူမျိုး ပျောက်သွားခဲ့ပြီဟု ကျွန်တော် ထင်ထားခဲ့သည်။ ယခု သူတို့က ဘယ်က ဘယ်လိုပေါ်လာပြီး၊ ယဉ်ကျေးမှုပြပွဲကြီးကို လုပ်မှာပါလိမ့်။ ဝမ်းလည်းသာသွားမိသည်။ ကျွန်တော်တို့ ပြည်ထောင်စုဖွား .... လုံးဝပြန်တွေ့ရတော့ မည်မဟုတ်ဟု ထင်ထားသူများကို ပြန်တွေ့ရတော့မည်ကိုး။ 

ကျွန်တော်တို့ နေထိုင်ရာ ပြည်မြန်မာ၌ သူတို့သည် တစ်ချိန်က ဤမြေပေါ်နေ၊ ဧရာဝတီမြစ်ရေကို သောက်ခဲ့ကြသည်။ သည်တော သည်တောင် တလျောက် လက်ပမ်းပေါင်းခတ်လျက် ပြေးကြ၊လွှာကြ၊ကစားကြရင်း၊ စမ်းချောင်းလေးဘေးမှာ လက်ဖြစ် ပုလွှေတို တစ်လက်ဖြင့် နွားကျောင်းရင်း တေးဆိုနေခဲ့ကြမည်။ ကောက်ဦးပေါ်စ၌ အဆွေတွေ၊ အမျိုးတွေ တစ်သိုက် ဗုံတတုံတုံခေါက်ရင်း မီးပုံကြီးဘေးပတ်လည် ပျော်ပျော်ကြီး ကခုန်ခဲ့ကြဖူးပေမည်။ 

သူတို့သည် ယခု …..

ပြည်ထောင်စုသား သူတို့သည် ယခု ….

ကျွန်တော်တို့၏ ညီနောင်ဘွား သူတို့သည် ယခု ……

ဖြတ်ကနဲ အိပ်မက်မှ ကျွန်တော်လန့်နိုးလာသည်။ ကျွန်တော့ ကွန်ပျူတာက ဖွင့်လျက် စကရင် Saver တက်နေသည်။ တင်ထားသည့် ရှမ်းပြည်မှ တောတောင် သဘာဝ ရှုခင်းများက လွမ်းမောဖွယ် တစ်ခုခြင်း ပြောင်းလဲနေဆဲ။ ရှားရှားပါးပါးရိုက်ယူလာခဲ့သော ချယ်ရီပင်ပါ ရှမ်းပြည်အလွမ်းပြေ ဓာတ်ပုံတို့တို့ကလည်း ပြန်လာဖို့ ဖိတ်ခေါ်နေသလို။ ဆောင်းနှင်းအေးအေးမှာ … ကျွန်တော်လွမ်းနေသော ရွာကလေးသို့ … ဘယ်အချိန် ကျွန်တော် ပြန်ရောက်နိုင်မည် မသိပါ။

ထို့သို့အလွမ်းစိတ်များဖြင့် တွေးတေားရင်း ......

ပျူလူမျိုးများ၏ ယဉ်ကျေးမှုပြပွဲ ......

သူတို့တွေ ဘယ်မှာလဲ။ ပျူဆိုတာ ဘယ်သူတွေလဲ။ မျိုးသုဉ်းပျောက်ကွယ် သွားခဲ့တာလား။ သူတို့အတွက် ကျွန်တော်တို့ ဝမ်းမနည်းပေးနေကြတာကတော့ မှန်သည်။ သူတို့တတွေ ဤမြေဤရေ၌ ရှင်သန်လှုပ်ရှားသွားလာခဲ့ဖူးကြသော ရှေးဦးနိုင်ငံသားများ၊ သူတို့နှင့် ကျွန်တော်တို့သည် ဘယ်လိုမှ သွေးမတော် သားမစပ်ပါဟု ပြော၍မရ။ သူတို့သည် ကျွန်တော်တို့၏ အဘီအဘင်များ ဖြစ်နိုင်သည်။ သူတို့သည့် ကျွန်တော်တို့ ဘိုးဘွားများကို နို့ချိုတိုက်ကျွေး ခဲ့သော ကျွန်တော်တို့၏ သွေးရင်းသားရင်းများ ဖြစ်နိုင်သည်။ ကျွန်တော်တို့ သူတို့ခြေရာ လက်ရာလေးများကို ပြတိုက်တွင် မြင်ရရုံမျှ ရှိတော့သည်။ သို့သော် ပဟေဠိများသာ … ဘယ်သူမှ ပြန်မပြောနိုင်တော့သော ပုံပြင်များ အဖြစ်သို့ ပြောင်းလဲရောက်ရှိသွားခဲ့ ကြပြီဖြစ်သည်။

ကျွန်တော်တို့ ငယ်ငယ်က ဒိုးပတ်သံ တညံညံဖြစ်ခဲ့ဖူးသော ဘုရားပွဲများသည်၊ ယခု စီဒီတစ်ချပ်ကို ဖွင့်ပြီး၊ ကာရာအိုကေ၊ စီဒီ အိုကေတို့ဖြင့် ပြောင်းလဲ လှည့်လည်လာကြသည်။ ယိမ်းအကဖြင့် သင်္ကြန်ဒိုး တို့သည်၊ ဟစ်ဟော့၊ အော်တာတို့ဖြင့် ပုံစံပြောင်းလာသည်၊ ရေကစားမဏ္ဍပ်တွင် ဟဲဗီးမက်တယ်ဖြင့် သင်္ကြန်သီချင်းမဆိုဘဲ ပုံစံတစ်မျိုးဖြင့် ဟဲလာကြသည်။ အဟောင်းတို့သည် ချုပ်ငြိမ်းကုန်၍ အသစ်တို့သည် အစားထိုး ဝင်ရောက်လာမြဲ ဖြစ်သည်။

မြန်မာ့ဇာတ်သဘင်သည် စတိတ်ရှိူးဟုခေါ်သော ခေတ်ပေါ်ဂီတဖြင့်သာ အသက်မွေးလာရသည့် အဆင့်သို့ အသွင်ပြောင်းလာသည်။ နှစ်ပါးသွား နှင့် နောက်ပိုင်းဆိုသည်တို့ကို ကြည့်ကြသူပင် မရှိသလောက် ဖြစ်သွားခဲ့ပြီ။ မြန်မာ့ဇာတ်သဘင်သည် မကြာမီ နေဝင်ချိန်ရောက်တော့မည့် သဘောပင်။

ဒါတွေ နှင့်ဆက်စပ်ပြီး လွန်ခဲ့သည့် အပါတ်က လမ်းလျှောက်ထွက်ရ င်း မြင်ခဲ့သည့် တရုတ်တို့၏ ရိုးရာ ထိန်းသိမ်းမှုကို အမှတ်ရမိသည်။ စင်ကာပူလို တိုးတက်ပြီးနိုင်ငံ၌ ရှေးရိုးရာမပျက် မဏ္ဍပ်ကြီးတွေဆောက်ပြီး ကျားကန်ထိန်းသိမ်းနေသည့် တရုတ်ရိုးရာယဉ်ကျေးမှု ကပွဲများ ကိုတွေ့ခဲ့ရသည်။ ထို့ကြောင့်ပင် တရုတ်တို့ လူမျိုးကြီးအဖြစ် ကမ္ဘာ့အလည် ရပ်တည်နေနိုင်ခြင်း ဖြစ်ကောင်း ဖြစ်ပေမည်။ သူတို့သည့် ရှေးရိုးစဉ်လာကို ထိန်းကြ၊ သိမ်းကြ ပေသည်ကိုး။

ပျူတို့ အဘယ့်ကြောင့် ပျောက်ပျက်ခဲ့ရပါသနည်း။ သူတို့ ဘာဖြစ်သွားခဲ့ကြသနည်း။ အမှန်တော့ ကျွန်တော်တို့ ဘိုးဘွားများဖြစ်သော ပျူလူမျိုးတို့သည် ဘာဖြစ်သွားခဲ့ကြလေသနည်း။ ဘယ်သူမှ သေရွာမှ ပြန်လာပြီး ပြောမပြနိုင်ကြတော့ပါ။ လွန်ခဲ့၊ ပြီးခဲ့လေပြီတည့်။

ယခုလက်ရှိကာလ၌ ကျန်ရှိနေသေးသော ယဉ်ကျေးမှုနှင့် ကျွန်တော်တို့ ချစ်သော ပြည်ထောင်စုအတွင်းရှိ တကယ့် အမွေအနှစ်များ၊ တိမ်ကောပပျောက်သွားသည်ထိ ကျွန်တော်တို့ ပစ်ထားကြလေမည်လား။ ကိုယ့်လူမျိုး မဟုတ် ကိုယ်နှင့် မဆိုင်ဆိုပြီး ထားလိုက်ကြတော့မည်လား။ စဉ်းစားကြဖို့ ကောင်းသည်။ ကျွန်တော်တို့ အိမ်နီးချင်းဖြစ်သော ထိုင်းနိုင်ငံသည်။ ရိုးရာယဉ်ကျေးမှုတို့ဖြင့် ကမ္ဘာကိုဆွဲဆောင်သည်။ ရိုးရာယဉ်ကျေးမှုတို့ဖြင့် ကမ္ဘာကို ထိုးဖောက်သည်။ သယံဇာတကို မထိပါးဘဲ အကျိုးအမြတ်များစွာရသည့် ခရီးသွားလုပ်ငန်းကို မြှင့်တင်ခဲ့ကြသည်။ ထိုင်းကို ကမ္ဘာက သိစေခဲ့သည်။

ကျွန်တော်တို့ ပြည်ထောင်စုတွင် တိုင်းရင်းသားပေါင်း ၁၃၅ မျိုးရှိသည်ဟု ဆိုကြပါသည်။ တိုင်းရင်းသားတစ်မျိုးစီ၏ ယဉ်ကျေးမှုဖြင့် ကမ္ဘာကြီးကို ကျွန်တော်တို့ မဆွဲဆောင်နိုင်အံ့လော။ ကပ္ပလီလူမျိုးတို့သည်ပင် သူတို့၏ ကပ္ပလီဖြစ်ခြင်း နှင့် ကပ္ပလီယဉ်ကျေးမှုတို့ဖြင့် ကမ္ဘာကို သိစေနိုင်ခဲ့လျှင် ကျွန်တော်တို့ရော ကျွန်တော်တို့ ပြည်ထောင်စု၏ ကိုယ်ပိုင်အလှများဖြင့် ကမ္ဘာကို မဆွဲဆောင်နိုင်အံ့လော။ ရိုးရာယဉ်ကျေးမှု တို့ဖြင့် မဖမ်းစားနိုင်အံ့လော။ အလည်အပတ်လာရန် မခေါ်ဆောင်နိုင်အံ့လော။

အမွေ အနှစ်တို့မည်သည် ဟောင်းလေလေ၊ တန်ဖိုးတိုးလေလေပင်ဖြစ်သည်။ ထိုအမွေအနှစ်တို့ကို မပျောက်မပျက်အောင် ထိန်းသိမ်းကြဖို့ ကျွန်တော်တို့ အားလုံးတွင့် တာဝန်ကိုယ်စီရှိကြပါသည်။ ကျွန်တော်တို့ ပြည်ထောင်စုသားများ ဝိုင်းဝန်းဖေမကူညီကြမှ ပြည်ထောင်စု၏ ရိုးရာအမွေအနှစ်များ ရေရှည်တည်တံ့ ခိုင်မြဲနေမည်ဖြစ်သည်။ 

နာဂ တို့ကို ဘောင်ဘီရှည်ဝတ်၊ နက်ကတိုင်စည်း ပေးပြီး နာဂ လုပ်ခိုင်၍ ကမ္ဘာကို မပြကောင်းသကဲ့သို့၊ ရိုးရာသင်္ကြန်တွင် Sexy Dance ကပြီး ကမ္ဘာကို ဆွဲဆောင်၍လည်း မတတ်ကောင်းပေ။ သင်္ကြန်ကို အားပေးသလို ကရင်ဒုံယိမ်းကို အားပေးရမည်၊ ကချင်မနှောကို ပစ်ထားလို့ မဖြစ်၊ ရှမ်းအိုးစည်ကို အသံမမြည်အောင် ထားလိုက်လို့ မဖြစ်။ လူမျိုးအသီးသီး၏ ယဉ်ကျေးမှုအပေါင်းဖြင့် ခညောင်းနေသင့်သော ကျွန်တော်တို့ ပြည်ထောင်စုသည် ကျွန်တော်တို့၏ မထိန်းသိမ်း၊ မစောင့်ရှောက်မှုကြောင့် လက်ဆင့်ကမ်းလာခဲ့သော ရိုးရာအမွေ အနှစ်များ ပျောက်ပျက်သွားခဲ့သော်။ ကျွန်တော်တို့၏ အတ္တများကြောင့် လူမျိုးတစ်မျိုး၏ ယဉ်ကျေးမှုကို တိမ်ကောပပျောက်စေခဲ့သော် ... အဘယ်မျှဝမ်းနည်းဖို့ ကောင်းဘိသနည်း။

ရေးရင်းပင် ဆရာဇော်ဂျီ၏ “သင်သေသွားသော်” ကဗျာကို အမှတ်ရမိသည်။

သင်သေသွားသော်

ဪ..လူ့ပြည်လောက၊ လူ့ဘ၀ကား
အိုရနာရ၊ သေရဦးမည်
မှန်ပေသည်တည့် ။

သို့တပြီးကား၊ သင်သေသွားသော်
သင်ဖွားသောမြေ၊ သင်တို့မြေသည်
အခြေတိုးမြင့်၊ ကျန်ကောင်းသင့်၏ ။

သင်၏အမျိုးသား၊ စာစကားလည်း
ကြီးပွားတိုးမြင့်၊ကျန်ကောင်းသင့်၏ ။

သင်ဦးချ၍ အမျှဝေရာ
စေတီသာနှင့်၊ သစ္စာအရောင်
ဉာဏ်တန်ဆောင်လည်း
ပြောင်လျက်ဝင်းလျက် ကျန်စေသတည်း ။

ဇော်ဂျီ

ကဗျာကို ဖတ်ရင်း ကြည်းနှုးစိတ် နှင့်အတူ ကျွန်တော်တို့ တာဝန်ကို ကျွန်တော်မြင်လာသည်။ ဒိုးပတ်သံ အပျောက်ခံ၍မဖြစ်သလို၊ ဦးရွှေရိုး နှင့် ဒေါ်မိုးလည်း ရှိရမည်။ တောင်ကြီး တန်ဆောင်တိုင် မီးပုံပျံပွဲကြီး နှစ်စဉ် ကျင်းပသလို၊ မြန်မာ့ရိုးရာ အတာသင်္ကြန်ပွဲသည်လည်း သင်္ကြန်ယိမ်းဖြင့် နှစ်စဉ် တင့်တယ် သင့်သေးသည်။ ကချင် မနှောတိုင်ကြီးကို ဓာတ်ပုံ တစ်ဖြတ်ဖြတ် လာရိုက်နေကြသည့် နိုင်ငံတကာ ဧည့်သည်များကို ကျွန်တော်တို့ ဖိတ်ခေါ်နိုင်ရမည်။ ဝါးညှပ်အကကို အတူတူဝင်က ကြမည့် ဧည့်သည်များကို ဖိတ်ခေါ်ကြမည်။ ရှမ်းဓားသိုင်းကို ကမ္ဘာ့ဧည်သည်များရှေ့တွင် ဝင့်ကြွားစွာ ဖော်ပြနိုင်ရမည်။ ကျွဲချိုမှုတ်ပြီး နွှဲကြသည့် ခွာဒို ပွဲကိုလည်း အရောက်လာကြဖို့ ဖိတ်ခေါ်ကြမည်။ ပျောက်လုလု ရိုးရာများကိုလည်း အားပေးဖေါ်ထုတ်ကြရင်း ဖေးမတွဲခေါ်ကြမည်။ ကျွန်တော်တို့ ချစ်သော ပြည်ထောင်စုတွင်း၌ ပြည်ထောင်စုသားတိုင်း၏ ရိုးရာယဉ်ကျေးမှုကို အတတ်နိုင်ဆုံး ကျွန်တော်တို့ ထိန်းသိမ်းထားကြမည်။

Email ထဲ တကယ်ဝင်ရောက်နေသော ဖိတ်ကြားစာကို ကျွန်တော်ဖတ်မိပြီ။ ၂၀၁၁ ခုနှစ် နိုဝင်ဘာလ ၁၂ နေ့တွင် ကျင်းပမည့် “သျှမ်းနှစ်သစ်ကူးပွဲတော် ဖိတ်ကြားစာ”

ကျင်းပမည့်နေရာက

တစ်နှစ်မှ တစ်ခါ ပြုကြသော ရိုးရာယဉ်ကျေးမှုဖော်ထုတ်ပွဲများကို ကျွန်တော်တို့ လက်ဆင့်ကမ်းသယ်ဆောင် ကြရမည်။ တတ်နိုင်သလောက် အားပေးရမည်။ တစ်နှစ်မှ တစ်ခါကျင်းပသော အဖိုးမဖြတ်နိုင်သည့် ရိုးရာယဉ်ကျေးမှု လက်ဆင့်ကမ်းပွဲအတွက် အချိန် အနည်းငယ်လေးပေးဖို့ သာလိုသည်။ ရိုးရာအမွေ ထိန်းသိမ်းရေးအတွက် လိုအပ်သော ရံပုံငွေသည် ကျွန်တော်တို့ နောင်တစ်ချိန် ပြန်လည်ရရှိမည့် သမိုင်းအမွေအနှစ်၊ ယဉ်ကျေးမှုအမွေအနှစ်တို့နှင့် နှိုင်းစာသော် တစ်ကျပ်ရင်းပြီး တစ်သိန်းရသလိုပင်ဖြစ်သည်။ "တစ်မူးရလို့ တစ်ပဲလှူ ဒို့သျှမ်းတောင်သူ တူနိုင်ရိုးလား" ဟု မြန်မာ ဆန်ဆန် ကျွေးကြော်ကြသော ရိုးရာယဉ်ကျေးမှု ထိန်းသိမ်းပွဲသို့  ကျွန်တော်ရောက်ဖြစ်မည်ဖြစ်သည်။ ကျွန်တော်ပေးလိုက်သော ရံပုံငွေသည် ဒီနှစ်အစောပိုင်းက ဖြစ်ခဲ့သော တာလေငလျင် ဒဏ်ခံရသည့် ဒုက္ခသည်များ ဆီသို့ လည်းကောင်း၊ ယိုယွင်းပျက်စီးလျှက် ရှိနေသော ရှေးလက်ရာ ဘုန်းတော်ကြီးကျောင်းများ ထိန်းသိမ်းရန်အတွက်လည်းကောင်း၊ စာသင်အရွယ် ကလေးငယ်များအတွက် စာအုပ်ခဲတံများထောက်ပံ့ရေးအတွက်လည်းကောင်း ဖြစ်ခဲ့သည်ကို ကြည်းနှုးစိတ်ယိုဖိတ်မိရင်း ....

စာဖတ်သူ အဆွေသည်လည်း ကုသိုလ်သဒ္ဓါပွားများနိုင်ရန်အတွက် ဓာတ်ပုံ အချို့ကိုလည်း အမှတ်တရ ဖော်ပြလိုက်ပါသည်။

တာလေငလျင်ဘေး အလှူ

တာလေငလျင်ကြောင့် ပျက်စီးခဲ့ရသော ဘုန်းတော်ကြီးကျောင်း

တာလေငလျင်ကြောင့် ပျက်စီးခဲ့ရသော စေတီ

တာလေငလျင်ကြောင့်ပျက်စီးခဲ့ရသော အဆောက်အဦးများ

ကလေးငယ်များအတွက် စာရေးကိရိယာအလှူ

ယဉ်ကျေးလိမ္မာသော ရင်သွေးငယ်များ

ပြည်ထောင်စုတာဝန်ကို လက်ဆင့်ကမ်းသယ်ယူကြမည့် မျိုးဆက်သစ် ကလေးငယ်များ

ပျိုးထောင်နေရဆဲ ဖြစ်သည့် ပြည်ထောင်စု၏ ရင်သွေးငယ်များ

ချို့ချို့တဲ့တဲ့ ပညာရှာရဆဲ ဖြစ်သော မျိုးဆက်များ

မြင်း ၂ ကောင်

ကျွန်တော့်အိမ်အပြင်လမ်းမဖက် ထွက်လိုက်တာနဲ့ ကွင်းအကျယ်ကြီး တစ်ခုရှိတယ်။ အဲဒီကွင်းထဲမှာ မြက်စားနေတဲ့ မြင်း ၂ ကောင်ရှိတယ်။ အဝေးက ကြည့်လိုက်မယ် ဆိုရင်တော့ ဒီမြင်း ၂ ကောင်းဟာ သိပ်မထူးခြားပါဘူး။ တခြားမြင်းတွေလိုပါပဲ။       

              
အနားကပ်ကြည့်မယ်ဆိုရင်တော့ ဒီမြင်း ၂ ကောင်မှာ အတော်စိတ်ဝင်စားစရာကောင်းတဲ့ အချက်ရှိနေတာကို တွေ့ရမယ်။
မြင်းတစ်ကောင်က အကန်းဗျ။ မျက်စိလုံးဝ မမြင်ဘူး။
သူ့သခင်က သူ့ကို အလုပ်မှာ မသုံးတော့ပါဘူး။ ဘေးမဲ့ပေးထားတဲ့ မြင်းတစ်ကောင်ပါ။ သက်တောင့်သက်သာ နေရုံပါပဲ။ သနားစရာလေးပါဗျာ။

 ဒီ ၂ ကောင် အနီးနား ကပ်ပြီး နားစွင့်ကြည့်စမ်းပါ။ ခြူသံကြားရမယ်ဗျ။ အဲဒီခြူသံက ဟိုမြင်းငယ်လေးဆီက ထွက်လာတဲ့ ခြူသံပါ။ လည်ပတ်မှာ ဆွဲပေးထားတဲ့ ခြူသေးသေးလေးက ထွက်လာတဲ့ အသံပေါ့။ ဒီခြူသံလေးက သူ့အဖော် မျက်စိမမြင်တဲ့မြင်းကို သူဘယ်မှာ ရှိတယ်ဆိုတာ ပြောပြောပြနေတဲ့အရာပေါ့။ မျက်မမြင်းလေးက ဒါကို နားထောင်ပြီး သူ့နောက်လိုက်လာနိုင်တယ်လေ။


ဒီမြင်း ၂ ကောင်ကို သေချာရပ်ပြီးကြည့်မယ်ဆို ...

ခြူဆွဲထားတဲ့ မြင်းဟာ မျက်မမြင်မြင်းလေးကို အမြဲတမ်း စောင့်စောင့်ကြည့်တတ်တာကို တွေ့ရမယ်။ ပြီးတော့ မျက်မမြင်မြင်းက ခြူသံလေးကို နားထောင်ပြီး သူ့အဖော်မြင်းရှိရာကို ဖြည်းဖြည်းချင်း လျှောက်သွားပြီး လိုက်နေတာပဲ။ သူ့အဖော်က သူ့ကို ဘယ်တော့မှ ဒုက္ခတွေ့မယ့် လမ်းမှားကို ခေါ်သွားမှာ မဟုတ်ဘူး ဆိုတဲ့ ယုံကြည်ချက် အပြည့် ရှိပုံပါပဲ။
ညနေစောင်းပြီဆို ... 

ခြူဆွဲထားတဲ့ မြင်းလေး မြင်းစောင်းကို ပြန်တော့ သူ့အဖော် မျက်မမြင်မြင်းလေးကို အမြဲ စောင့်ခေါ်တယ်။ ဘယ်တော့မှ သိပ်အဝေးကြီး ကျန်မနေခဲ့စေဘူး။ ချန်မထားခဲ့ဘူး။ ခြူသံကြားရနိုင်မယ့် နေရာလေးမှာ သူအမြဲရှိတယ်။

တခါတရံမှာ ငါတို့တွေဟာ တခြားသူကပေးတဲ့ ခြူသံလေးရဲ့ လမ်းညွှန်ရာအတိုင်း လိုက်ရတဲ့ မျက်မမြင်မြင်းပါ။ တခါတလေတော့ ငါတို့ဟာ မမြင်နိုင်သေးတဲ့ သူအတွက် ရှေ့ကလမ်းပြရတဲ့ မြင်းပေါ့။

ကျွန်တော်နှင့်တောတွင်းကာလများ (၁၀)

ဒီတစ်ခေါက် မြန်မာပြည်ပြန်တော့ ကျွန်တော့မွေးရပ်မြေကို မရောက်နိုင်ခဲ့ပါ။ ကျွန်တော်ချစ်သော မြေကိုသာမက ကျွန်တော့ မိဖ ဆီလည်း မရောက်နိုင်ခဲ့။ ကျွန်တော်မကြိုက်သော အချည်အနှောင်ခံ ဝန်းထမ်းဘဝကို နှစ်အတိုင်းအတာ တစ်ခုထိတော့ ကျွန်တော် လုပ်ရဦးမည်။ လွတ်လပ်သော ဘဝကို ကျွန်တော်လည်း ပိုင်ချင်သည်။ လူတိုင်းလူတိုင်း၊ သတ္တဝါတိုင်း ပိုင်စေချင်သည်။ ခွင့်က တစ်ပါတ်သာရသည့် အတွက် ကျွန်တော့ လိုအင်ဆန္ဒက ချည်နှောင်သော ကြိုးတို့ကို ကျွန်တော် မရုန်းနိုင်ခဲ့ပါ။ တစ်ပါတ်သာ ကျွန်တော် နေခဲ့ရသည်။ ကျွန်တော့ သမီးလေးကိုလည်း ဝ အောင် မချီခဲ့ရ။ ကျွန်တော့သမီးလေးကို ဝအောင် ပင် မကြည့်ခဲ့ရ။ သြော် ... မွေးရပ် မြေကိုတော့ ပိုဝေးပေစွ။

နံနက် ပိုင်း ထွက်သော လေယာဉ်ဖြင့် ကျွန်တော်ပြည်တော်ပြန်ခဲ့သည်။ ကျွန်တော်တို့ နိုင်ငံပိုင် လေယာဉ်။ နိုင်ငံခြားပိုင် လေယာဉ်များနှင့်တော့ အတော်လေး ကွာပါသေးသည်။ သို့သော် တစ်နေ့တော့ သူတို့လို ဖြစ်လာမည်ဟု ကျွန်တော် ယုံကြည်ပါသည်။ လေယာဉ်မယ်လေးများလည်း မျက်နှာငယ်သည်။ လူတွေလည်း မျက်နှာငယ်သည်။ ဘေးကင်းစွာ မောင်းနှင်ပို့ဆောင် ပေးသည့် လေယာဉ်မှူးကိုရော၊ လေယာဉ်အို ကြီးကို ပါ  ကျွန်တော်ကျေးဇူးတင်ပါသည်။ လေယာဉ်မောင်မယ်များကို လည်းကျေးဇူးတင်သည်။ အတူခရီးသွားဖော် များကိုလည်း ကျေးဇူးတင်ရမည်။ ကျွန်တော်တို့တစ်တွေ အတူတကွ သွားကြ၊ လာကြလို့သာ သည်လို ဈေးချိုချို နှင့် သွားနိုင်၊ လာနိုင် ပေတာ ကိုး။

မြန်မာမြေဖက် နီးလာတော့ နေ့ခင်းဖက်ဖြစ်သည့် အတွက် မြစ်ဝကျွန်ပေါ် ဒေသကြီးကို အပေါ်စီးမှ ဆီးမြင်ရသည်။ မြေပြင်က ပြန့်ပြန့်၊ ချောင်းလေးများက အသွယ်သွယ်၊ မြစ်ငယ်တွေ အထွေးထွေး။ မြန်မာပြည်၏ ဆန်အိုးကြီး အဓွန့်ရှည် တည်တံပါစေ။ မြန်မာ့ပြည့်ဝမ်းစာကို ထောက်ပံ့မြဲ ထောက်ပံ့ နိုင်ပါစေဟု တခုတ်တရ ဆန္ဒ ပြုမိသည်။ နာဂစ် မုန်တိုင်းကြီးကျ စဉ်က ဤဒေသ ပေါ်လိမ့်တက်ခဲ့မည် ဖြစ်သော ပင်လယ်လှိုင်းလုံးများ၊ ဝါးမြိုသွားခဲ့ပြီးသော အသက်ဝိဉာဉ်များ၊ နားခိုရာ ရကြပါစေ။ အေးချမ်းကြပါစေ။ ကျန်ရှိနေခဲ့သော ခိုကိုးရာမဲ့ ဘဝလေးများ တည်ငြိမ်းအေးချမ်းကြပါစ။ တစ်ဝမ်းတစ်ခါ လွယ်လွယ်ကူကူ အသက်မွေးနိုင်ကြပါရဲ့လား တွေးမိသေးသည်။ သြော် ကျွန်တော်တို့ တက်နိုင် သလောက်တော့ ဖေးကူကြရဦးပေမည်။

တောကြိုတောကြားက ကျွန်တော် ၊ အိပ်မက်ပင် တကယ် မမက်ခဲ့ဘူးသော လေယာဉ်ပေါ်၊ တစ်ခါမှ စိတ်ကူးမယဉ်ခဲ့ဘူးသော သူတစ်ပါးတိုင်းပြည်၌ တစ်ဝမ်းတစ်ခါးအတွက် ချစ်သောသူများနှင့် ခွဲလျက်လည်း အလုပ်လုပ်ခဲ့ ဖူးလေပြီ။

ရန်ကုန်မြို့ကြီးကို အနီးကပ်မြင်ရတော့ မွေးရပ်မြေဆီ ရောက်လိုသောစိတ်က ပေါ်ပြန်ပြီ။ လေယာဉ်ကွင်းဆီအနီးကပ် နိမ့်ဆင်းလာတော့ လေယာဉ်ကွင်း ခြံစည်းရိုးတစ်လျောက် နွယ်တက်လျက် မင်းမူနေသော ခြုံနွယ် ပိတ်ပေါင်းများကို သတိထားမိသည်။ အရင့် အရင်က မကြည့်မိ။ ဒါလေးတွေ ရှင်းလျင်တော့ ကောင်းမည်ဟု တွေးမိသေးသည်။ သူတို့ တိုင်းပြည်က လေယာဉ်ကွင်းတွေ က ရှင်းသန့်နေတာကိုး။ ကိုယ့်တိုင်းပြည် သူတို့ လာလျှင်လည်း ရှိတာလေးနှင့်တော့ ကြွားချင်စိတ် ဝင်သည်။ တစ်နေ့တော့ ရှင်းလိမ်မည် ဟု ထင်ပါသည်။

လေဆိပ်သည် အတော်တော့ သပ်ရပ်ပါသည်။ သိပ်ခေတ်အမှီကြီး မဖြစ်သေးတာ နှင့် ဝမ်းရေးအခဲကြောင့် အလုအယက် ပြေးဆွဲနေကြရရှာသော တက္ကစီ သမားများ၊ အထုတ်အပိုး သယ်သူများ နှင့် ကတော့ ရိုးရာမပျက် တွေ့ရသည်ဟု ဆိုရမလားပင် မသိပါ။

သူတို့ ဝမ်းရေးကို ကျွန်တော်တွေးတတ်လာသည်။ ကျွန်တော့မိသားစု ဘဝ တစ်ခု ဖြစ်ခွင့်နှင့် မိဘ၊ သားသမီး ဘဝကို နားလည်ခွင့် ပေးသော ချစ်ဇနီးကို လည်း ကျေးဇူးတင်ပါသည်။ အဖေ၊ အမေ ကိုလည်း သိပ်လွမ်းသည်။ ဒီတစ်ခေါက် ပြန်မရောက်နိုင်တာကို သိတော့ ဝမ်းလည်း နည်းမိသည်။ အဖေ နှင့် အမေ သည် ကျွန်တော့ မျက်နှာကို တွေ့ချင်၊ မြင်ချင်မည်။ ကျွန်တော့ပါးကို ထိချင်၊ ကိုင်ချင်မည်ကို ကျွန်တော် ကောင်းကောင်း ကိုယ်ချင်းစာတတ်ပါပြီ။

တက္ကစီကားခက ကားကြီးဝင်းထိ ၆၀၀၀ိ တောင်းသည်။ ကျွန်တော် စဉ်းစားသည်။ နည်းနည်းများလည်း သူ့မိသားစု အဆင်ပြေသွားမည်။ ငါပေးနိုင်တုန်း ပေးလိုက်မည်ဟု ဆုံးဖြတ်ကာ ဈေးမဆစ် ဖြစ်တော့ပါ။

ကျွန်တော်နှင့် ဘိုးလင်း (2)

ရုံးဆင်းသော်လည်း အထက်အရာရှိက မပြန်သေးသည့်အတွက် ပြန်ရ အခက်၊ မပြန်ရအခက်။ ခါတိုင်း ဆိုရင်တော့ ပြန်နေကျ ပါ။  ခုနောက်ပိုင်း သူက ကျွန်တော်သုံးသည့် လက်တော့ပ်လေးကို ကျွန်တော် အိမ်ပြန်သည့်အခါ သူ့ရုံးခန်းထဲ သိမ်းထားခဲ့လို့ တခုပ်တရ မှားထားသည်။ သူများသုံးမှာ၊ ပျောက်မှာ စိုးသည့်အတွက် ဖြစ်သည်။ လက်တော့ပ်က ကျွန်တော့်ကို လွှဲထားပေးပြီးသား ဆိုတော့ ကျွန်တော့် တာဝန် ဖြစ်နေတာကိုး။ ကျွန်တော်ကတာ့ စင်ကာပူတွင် သူခိုးမရှိဟု ထင်သည့် အတွက်လည်းကောင်း၊ ခိုးကြမှာလည်း မဟုတ်ဟု ထင်၍ တကြောင်း၊ ပြီးတော့ စင်ကာပူရဲများသည် အကူအညီ လို၍ ခေါ်လျှင် အချိန် မရွေး မိနစ်ပိုင်းအတွင်း ရောက်လာမည်ကို သိသောကြောင့် လည်းကောင်း သိပ်စိုးရိမ်စိတ်မရှိပါ။ ကိုယ်ပိုင် ပစ္စည်း မဟုတ်၍လည်း ဖြစ်နိုင်ပါသည်။ သိပ်မပူပန်လှ။ ပျောက်လျှင် ပျောက်သည်ဟု ပြောလိုက်ရုံသာ ဟု စိတ်ထဲ နှလုံးသွင်းထား မိသည်ကိုး။

ကျွန်တော်နှင့် ဘိုးလင်း

Singapore MRT. 

ဘိုးလင်း ဆိုတဲ့ကောင်နဲ့ ကျွန်တော်နဲ့ လုံးဝ အစေးမကပ်။ သူနှင့် ကျွန်တော်တွေ့တာ ၂ ခါရှိပြီ။ တစ်ခါမှ အဆင်တပြေ ဖြစ်ခဲ့သည်မရှိ။ ဒီကောင့်ကို တွေ့ဖို့ တကူးတက သွားရသည်။ ကျွန်တော်က တွေ့ချင်သည်လည်း မဟုတ်။ ကုမ္ပဏီက သွားခိုင်၍ သွားရခြင်းဖြစ်သည်။ စိတ်မပါ လက်မပါနှင့် ကျွန်တော်သွားရသည်။ မသွား၍လည်း မကောင်း။ ကျွန်တော့်အထက် အရာရှိက ကုမ္ပဏီက လုပ်သည့် အသင်းအဖွဲ့ဆို ကိုယ်စိတ်မပါလည်း သွားရသည် ဟု ဆိုသောကြောင့်တာ ဒီကောင် ဘိုးလင်း နဲ့တွေ့ခြင်းဖြစ်သည်။ ဘယ်လိုမှ ကြည့်မရသည့်ကောင်ကို အလုပ်ဆင်းပြီး တကူးတက သွားတွေ့ရသည်။ 

သူနေတာက ကုလား-မြန်မာ ချစ်ကြည်ရေးဘူးတာနားမှာ ဘူတာနာမည်က ဘူခစ်-ဘတုတ်။  ကုလားလေးဘူခစ် နဲ့ ကိုဘတုတ် ကို အမှတ်တရ ခေါ်ထားတဲ့ နာမည်။ အဲလိုပဲ EX-RIT အစ်ကိုကြီး ကိုဘကျော်တို့ အုပ်စု သင်္ကြန်မှာ ပြောသွားတာ မှတ်လိုက်ရသည်။ ဟုတ်မဟုတ်တော့ အာအိုင်တီ စက်မှုကျောင်းသား ဟောင်းကြီးဖြစ်သော ကိုဘကျော် ကိုသာ မေးကြည့်စေချင်သည်။

မရီနာဘေဆင့်ဒ် နှင့် ကျွန်တော်

  

မဆန့်မပြဲဆွဲထည့်ခံလိုက်ရသောမရီနာဘေဆင့်ဒ်

ကစားစရာလေး မရီနာဘေဆင့်ဒ်